Smiley (Grafik)

Vun Wikipedia
Wesseln na: Navigatschoon, Söök

En Smiley [[ˈsmaɪ̯liː]] (faken ok verkehrt Smilie, hen un wenn ok Smily – vun eng. to smile = ‚grienen‘; Mehrtahl Smileys oder verkehrt Smilies) is en Grafik, de en Gesicht mit en Grienen dorstellt. En Smiley warrt faken bruukt, um en sunnerlich Geföhl ut to drücken. Faken warrt de Begreep ok as annern Utdruck for Emoticon bruukt. Man en Emoticon is en Bild, dat ut Schriftteken tohopensett is, gegen den Smiley over, de en Grafik is.

Fründlich Smiley, as Emoticon :) Plinkogen Smiley, as Emoticon ;) Overrascht Smiley, as Emoticon :O
Gnadderig Smiley, as Emoticon :/ Trorig Smiley, as Emoticon :( Smiley, dat blarrt, as Emoticon :'(
Grienen Smiley, as Emoticon :D Smiley, dat grient, as de Düvel, as Emoticon >:D Utverschaamten Smiley, as Emoticon :P
Unschullig (Engel-)Smiley, as Emoticon O:) Verlegen Smiley Smiley gifft en Söten, as Emoticon :*
Faken bruukte Smileys, hier umsett vun dat Tango Desktop Project (mit de Muus anklicken for en Beschrieven)
Cool Smiley mit Sunnenbrill, as Emoticon B)
Noch en faken bruukt Smiley, hier umsett vun dat Nuvola-Icon-Theme

Geschicht[ännern | Bornkood ännern]

So wiet een dat sehn kann, is de Smiley to’n eersten Mol vun den US-Amerikaner Harvey Ball bruukt wurrn. De weer Werbegrafiker. [1]He hett in’n Dezember 1963 twee Punkte un en bogenen Streek in en gelen Krink rin tekent. De Updrag keem vun de Versekerungssellschop State Mutual Life Assurance Cos. of America. De hett dor Ansteeknadeln vun maakt un woll dor dat Bedrievsklima mit up’e Been bringen. Ball hett for siene Idee 45 Dollars kregen. Dat Teken is rechtlich nich schuult wurrn.

De Rechte to’n Bruken vun de Smileys liggt hüdigendags bi den franzööschen Journalisten Franklin Loufrani, de dat 1996 to’n eersten Mol anmellt harr. Sien Smiley is gegen Ball siene Idee en beten verännert un sütt al mehr so ut, as de verscheden Smileys, de hüdigendags bruukt weert. He seggt, he harr de Saak utfunnen, as he en Artikel for dat Blatt en beten uplockern wull. Midderwielen is Loufrani Inkamenmillionär un höllt de Rechte to’n Bruken for dat Smiley in mehr as 80 Länner. Harvey Ball hett sik denn up de Achternbeen stellt un hett sik insett, dat he as de wohre Vader vun dat Smiley gellen scholl. Dor hett he de „World Smile Foundation“ um grünnt. Man an’n 12. April 2001 is he sturven.

Elektroonsche Form[ännern | Bornkood ännern]

De elektroonsche Form vun den Smiley besteiht an un for sik ut ASCII-Teken un kann so in all Formen vun Nahrichten anwennt weern, ok wenn se nich vun Grafikformate stütt weert. De Grundformen :-) for positive Geföhle un Spaaß un:-( for negative Geföhle sünd an’n 19. September 1982 vun den lateren Informatikperfesser Scott E. Fahlman vörslahn wurrn. He gellt vundeswegen as de Utfinner vun de elektroonschen Smileys.

Weblenken[ännern | Bornkood ännern]

Commons-logo.svg Smiley. Mehr Biller, Videos oder Audiodateien to’t Thema gifft dat bi Wikimedia Commons.

Belege[ännern | Bornkood ännern]

  1. |Millionen für ein Lächeln | 2011-10-22 |afropen 2011-04-11 |vun Danny Kringiel |Der Smiley machte viele Menschen reich – nur nicht seinen Schöpfer |Spiegel Online