Slyrs

Vun Wikipedia
Slyrs

Brenneree Slyrs – Hööfthuus

Land Düütschland
Region Böverbayern
Tyyp Malt
Status aktiv
Besitter SLYRS Destillerie GmbH & Co. KG
Grünnt 1999
Grünner Florian Stetter
Waterborn Bannwooldborn
Websteed www.slyrs.de

Slyrs [ˈʃliːɐ̯s] is en Whiskybrenneree in’t bayerische Böverland. Se steiht in den Oort Schliersee in’n Landkreis Miesbach

Naam[ännern | Bornkood ännern]

De Naam Slyrs is en pseudo-gäälsche Beteken för „Schliers“, as de Oort Schliersee in Böverbayern vun de Inheemschen ok nöömt warrt[1]. Dormit warrt op de schottische Whisky-Traditschoon anspeelt.

Historie[ännern | Bornkood ännern]

De Brenneree in’n Oortsdeel Neuhaus is in’t Johr 1999 vun Florian Stetter grünnt worrn, de egentlich Beerbroer lehrt harr, in den Beroop aver nich recht Spood harr. Den Infall dorto harr he 1994 in’n Rahmen vun en Studienreis na Schottland, woneem dat Rebeet Speyside em an Bayern denkenlaten hett. Dor schall he üm een Kasten Wittbeer swett hebben, dat he Whisky ok in Bayern herstellen künn[2].

Whisky mutt lutt Gesett dree Johren lang lagern, vördem man överhaupt eerst vun Whisky snacken kann. De Produkschoonsmengde is vergliekswies lütt, so dat jeed Johr blots en limiteerte Oplaag vun ruchweg 100.000 Buddels verköfft warrt. De Slyrs warrt vör Oort un Steed in’n Rahmen vun Besichtigungen verköfft, is aver ok in’n Enkelt- oder Fackhannel to kriegen. Sünnere Affüllen gifft dat siet 2012 in lütte Tall.

Plaant is, af 2015 blangen den opstunns verköfften dreejohrigen Slyrs ok en 12-johrige Affüllen antobeden.

Slyrs-Fatten in’t Lagerhuus

Produkschoon[ännern | Bornkood ännern]

Slyrs Single Cask, 55,8 vol, 3 Johren

Slyrs Bavarian Single Malt Whisky warrt in’t Pott-Still-Verfohren tweefack in Kopperketels to 1500 l Inholt brennt un in Barrique-Fatten ut amerikaansche Witteken vun 225 l Volumen lagert. Siet März 2013 gifft dat ok en Variante, de in Sherry-Fatten riept is. Siet 2007 stellt Slyrs ok de Meesch för den Whisky in’t egene Huus heer.

Borns[ännern | Bornkood ännern]

  1. wissen.de över Schliersee
  2. Historie vun de Brenneree op de Websteed vun Slyrs; afropen an’n 6. Dezember 2014

Weblenken[ännern | Bornkood ännern]

Slyrs. Mehr Biller, Videos oder Audiodateien to’t Thema gifft dat bi Wikimedia Commons.


Koordinaten:47° 42′ N, 11° 53′ O