Skat

Vun Wikipedia
Wesseln na: Navigatschoon, Söök

Skat is een typisk düütsk Katenspiël, wat auk äs düütsk Nationaalspiël näömt wät, äs et dat meestspiëlt Katenspiël in Düütskland is. Buter in Düütskland giw et Skat blaots dao, wao auk Düütske hinkuëmmen sint: In Süüdjüütland in Däänmark, wat äs „Noordsleeswig“ bes ton eersten Wiäldkrieg to Düütskland höört hät un in Amerika dao,wao et bannig Düütske Uutwannerers hendriëwen hät. De Naam kümp wul vant italieenske scartare, wat „afläggen“ het (twe Katen kuëmmen bi'n Anfang tosiet un hetet dann „Skat“).

Spiël[ännern | Bornkood ännern]

Man spiëlt met drei Spiëlers un met 32 Katen, fransöösk of düütsk. Et giw de Tallen van siëwen bes negen (0 Äigen), Buern/Unter (2), Damens/Ober (3), Küëninge (4), Tainen (10) un Ässer/Däuser (11). Jereen kriëgt tain Katen, twe kuëmmen aflägt (3·3 / 2:Skat / 3·4 / 3·3). Et giw twe Manskuppen, wat het, dat ener alleen spiëlen mot. Düsse Alleenspiëler is dann de ensigste, we winnen of völeisen kan. Üm to kiken we best alleen spiëlt wät to'n Anfang fragt, we dat Spiël, wat de meesten Punkten giw (k.u.) spiëlen wil. Dat mäk man so, äs de eerste Spiëler de müëglicken Wäde van 18 an sägt un uphäört, wann sien Wääd vüörbi is, hernao mäk de tweede wieder. Wen dat füör den tweeden Spiëler toeerst so is sägt he „weg“ un de diärde hört to. Wen blaots nao enen üöwerbliew, draf he säggen, wat füörn Spiël (k.u.) he spiëlt. Danao draf he unner de Skat kiken, düsse Katen behaollen un twe annere trüglägen. De Alleenspiëler kan dat men auk bliwen laoten, dan giw dat een Extrapunkt („Handspiël“, k.u.). Nu fängt dat Spiël an. de eerste lägt een Kaat, dan de twede un de diärde. We de haugste Kaat lägt hät, kriëgt alle drei un draf de naigste Kaat läggen. To’n End wärd täld.

Spiëlarten un -wäde[ännern | Bornkood ännern]