Sittens

Vun Wikipedia
Wesseln na: Navigatschoon, Söök
Wapen/Flagg Koort
Wapen vun Sittens
Sittens
Laag vun Sittens in Düütschland
Basisdaten
Bundsland: Neddersassen
Landkreis: Rodenborg (Wümm)
Samtgemeen: Sittens
Flach: 18,55 km²
Inwahners: 5.529 (31. Dezember 2009)
Inwahnerdicht: 298,1 Inwahners pro km²
Hööchd: 31 m över de See
Postleettall: 27419
Vörwahl: 04282
Geograafsche Laag:
Koordinaten:53° 17′ N, 9° 30′ O
53° 17′ N, 9° 30′ O
Gemeenslötel: 03 3 57 044
Öörd in de Gemeen: 1
Börgermeester: Heinz-Hermann Evers (ahn Partei)
Websteed: www.sittensen.de
Bremen Hamburg Sleswig-Holsteen Landkreis Cuxhoben Landkreis Deefholt Landkreis Horborg Landkreis Oosterholt Landkreis Stood Landkreis Heidkreis Landkreis Veern Ahusen Alfst Annerlingen Basdaal Rodenborg (Wümm) Bötersen Bothel Breddörp Bremervöör Brookel Büls Deins Eversdörp Elsdörp (Landkreis Rodenborg) Farm (Landkreis Rodenborg) Fintel Gnarrenborg Groot Meckels Jeem Hamersen Homersen Hassendörp Heeßel (Zeven) Hellweeg Helsch Heemsbünnen Hemslingen Hepst Hipst Horß Horß Kalf (Neddersassen) Karktimk Karkwals Lütt Meckels Lauenbrüch Sittens Lengenbossel Örel Oostereis Reeßen Rhaar Rodenborg (Wümm) Sandbossel Scheeßel Seedörp (Neddersassen) Sürsen Sittens Sittens Söttmer Stemmen (Neddersassen) Tarms Tiss Tiss Vahl Vahl Vierden Visselhöövd Vörwark (Neddersassen) Westertimk Westerwals Wilst Woonst Zeven
Laag von de Gemeen Sittens in’n Landkreis Rodenborg (Koort lett sik anklicken)

Sittens is en Oord un Gemeen in de Samtgemeen Sittens in’n Landkreis Rodenborg (Wümm) mit ruchweg 5.530 Inwahners. Dormit is dat de gröttste Gemeen vun de Samtgemeen un bargt ok den Sitt vun de Verwalten.

Geografie[ännern | Bornkood ännern]

Sittens liggt in Süüden vun de Samtgemeen, ümgeven vun de Gemenen Homersen, Lütt un Groot Meckels, Lengenbossel, Tiss un ’n lütt Stück vun Vierden. In’n Süüden grenzt Sittens ok an de Samtgemeen Fintel an, nipp un nau an de Gemenen Helsch un Stemmen. Sittens liggt an den Stroom Oost, de binnen den Oort fröher en Watermöhl andreven hett un an de Steed opstaut worrn is. Dor billt se nu den Möhlendiek, de rundüm as’n lütten Park torechtmaakt worrn is.

Geologie[ännern | Bornkood ännern]

En Översicht över de Geologie un Entstahn vun dat Rebeet vun’n helen Landkreis is in den Artikel Landkreis Rodenborg (Wümm) beschreven un kann dor naleest waarn.

Historie[ännern | Bornkood ännern]

Sittens is toeerst in en Oorkunnen vun’t Bisdom Veern vun’n 1020 ünner den Naam Chessinhusen nöömt worrn, man den Oort mutt dat aver al en längere Tiet vörher geven hebben. Dat warrt vermodt, dat de eersten Wahnsteden in’t fröhe Middeöller enerworrns twüschen Sittens un Lütt Meckels grünnt weern,[1] aver wanneer nipp un nau Sittens grünnt worrn is, dat is nich bekannt.

De ole Oortskarn vun Sittens liggt mehr na’n Süden to, dor, woneem sik de St. Dionysius Kark, Marktplatz un de ole Watermöhl befinnen doot, de in’t 16. Johrhunnert boot worrn is.[2] Dat Oortszentrum hett sik sietdem vun’n olen Dörpskarn wegentwickelt, wodör he sik aver noch in sien ool’t Bild wiesen deit.

In de jüngeren Tiet is Sittens vör allen dör twee weniger schöne Saken dör Medien bekannt worrn. So geev dat In de 1990er Johren düchtig Diskuschonen, wieldat de Tall vun Kinner, de an Leukämie krank worrn sünd, unnormal hooch weer. Dat lieke geev dat ok in de Gemeen Tesp in’n Landkreis Horborg, wo’n Verdacht weer, dat dat mit dat Karnkraftwark in Geesthacht-Krümmel tohopen hangt, man Sittens weer dorvun to wiet weg. Gootachten, de vun de Bremer Universität maakt weern un en kaputt Röntgenapparat in Verdacht harrn, weer aver nich slüssig.[3]

De annere Vörfall weer in de Nacht to’n 5. Februar 2007 as in’t China-Restaurant „Lin Yue“ söven Minschen dood schaten weern, wat mit in möglichen Tosamenhang brocht weer mit asisaatsch Mafiagruppen un Schuulgeldpressen.

Politik[ännern | Bornkood ännern]

Gemeenraat[ännern | Bornkood ännern]

De Gemeenraat vun Sittens sett sik ut 17 Lüüd tohopen. De letzte Kommunalwahl weer 2011:

Partei 2011 2006 2001
CDU 7 7
SPD 7 8 9
FDP 1
WG Gemeensom för Sittens 9
WG Fre’e Börger 1 1 1

Börgermeester[ännern | Bornkood ännern]

De Börgermeester is Heinz-Hermann Evers, de bit Enn Mai 2008 noch bi de SPD weer, nu aver ahn Partei is.

Wapen[ännern | Bornkood ännern]

Dat Wapen vun de Gemeen is längs tweedeelt. De linke Siet is nich heraldisch un wiest op roden Grund en Hilligengestalt, neemlich den hilligen Dionysius. Op de rechten, nich heraldischen Siet is de rode St. Dionysius-Kark vun Sittens mit gröön ack vör witten Achtergrund to sehn. Se steiht op en gröne Flach mit en sülvern Stroom, wat de Oost dorstellt, de dör Sittens löpt.

Religion[ännern | Bornkood ännern]

De St. Dionysius Kark in Sittens

In Sittens gifft dat en evangeelsch-lutherische Gemeen, wo de meisten Börgers tohören doot, as ok en Sülvstännige Evangeelsch-lutherische Kark, de Christus-Gemeen. Bito gifft dat en Fre’e Evangeelsche Gemeem. De Katholiken vun Sittens sünd in de Herz-Jesu-Gemeen in Töst organiseert. Butendem gifft dat en wassenden Andeel vun Inwahners ahn Konfesschoon as ok Anhangers vun’n Islam.

Weertschop un Infrastruktur[ännern | Bornkood ännern]

Sittens hett sik in de Tiet siet den Tweeten Weltkrieg bannig entwickelt künnt, wieldat de Oort dör den Autobahnansluss as en Standoort för weertschopplich Ünnernehmen intressant weer. Sittens liggt ruchweg in de Mitt twüschen Hamborg un Bremen, de vun Sittens ut beid in’n halve Stünn antoföhren sünd. Industrierebeden gifft dat in Sittens an de Straat na Meckels rut, woneeem to’n Bispeel de Fruchtsaft-Hersteller Klindworth Saft sien Produkschoon hett, un na Lengenbossel rut, wo ünner annern de weltwiet arbeidende Firma Alga al siet Johrteihnten en Verkoppssteed hett för bruukte Fohrtüüch un Reifen.

Verkehr[ännern | Bornkood ännern]

De Ansluss an de A 1 liggt in’n Noorden vun Sittens, an de Grenz na de Gemeen Lengenbossel. Dor krüüzt se sik mit de L 130 de in’n Noorden över Ramshuus un de Gemeen Obbens in’n Landkreis Stood wieter na Hornborg föhrt. Na Süüden hen föhrt se över Helsch bit na Scheeßl. En wietere Verbinnen is de L142, de op de een Siet över Meckels un Heeßl na Zeven geiht un in de annere Richt över Tiss na Wist in’n Landkreis Horborg föhrt.

Sittens liggt butendem ok an’n Radfeernweg Hamborg-Bremen.

Kultur un Inrichten[ännern | Bornkood ännern]

De Freelichtbühn vun’n Kön’hoff in’n Winter

Sittens hett en Reeg vun Anbotten in kulturell Hensicht. So gifft dat neven en groot Sportanbott ok dat een oder annere ut de Historie to kieken. Sittens hett ok en poor Hotels, so dat man vun Sittens ut ok de Landschap ümto för Spazeergäng nütten kann. In’n Sommer kann een butendem plattdüütsch Theater op de Freelichtbühn „Kön’hoff“ ankieken. In’n Winter gifft dat ok Theater op platt, aver dat warrt denn in de Aula vun’t Ludwig-Otto-Ehlers-Huus wiest

Museen[ännern | Bornkood ännern]

In’n Oort gifft dat eenige Steden antokieken, as dat Handwarksmuseum, dat in de olen Watermöhl in’n Oortkarn ünnerbrocht is. Dor warrt Saken utstellt, de mit opstunns achtteihn för Sittens tyypsch Handwarken to doon hebbt. Regelmatig gifft dat ok Sünnerutstellen anboden. Dorto höört ok dat Heimathuus, dat in en oolt Fachwarkhuus ünnerbrocht is un woneem sik öörtlich Vereenen drapen künnt.

Sport[ännern | Bornkood ännern]

In Sittens un de Samtgemeen gifft dat en ganze Reeg vun Sportverenen. In Sittens sülvst sünd dat vör allen de VfL Sittens mit en riek Anbott an ünnerscheedlich Sportoorden för binnen un buten. To den VfL höört butendem ok de Theaterafdeel, de dat plattdüütsch Theater op de Bühn bringen doot. Dorto kummt de Footballers vun de JSG Börde Sittensen, wat ’n Tosamensluss is vun Sportlers ut de ganzen Samtgemeen. Butendem hett Sittens en DLRG-Oortsgrupp. Swemmen kann man in Sittens in’t Freebad mit sien 50-m-Becken un den 5-m-Toorn. Un denn gifft dat in Sittens ok noch’n Golfplatz, de vun’n Golf Club Kön’hoff Sittens e.V. bedreven warrt.

Beropen Lüüd[ännern | Bornkood ännern]

Borns[ännern | Bornkood ännern]

  1. Gemeinde Wohnste (Hrsg.): Wohnste Kreis Rotenburg (Wümme) ISBN 3-922913-08-3
  2. Websteed vun’n Landschapsverband Stood
  3. Energie-Chröönk op de Websiet vun Udo Leuschner

Websteden[ännern | Bornkood ännern]

Commons-logo.svg Sittens. Mehr Biller, Videos oder Audiodateien to’t Thema gifft dat bi Wikimedia Commons.