Simon Dach

Vun Wikipedia
Wesseln na: Navigatschoon, Söök
Simon Dach

Simon Dach (* 29. Juli 1605 in Memel; † 15. April 1659 in Königsbarg) weer de Schriever vun dat bekannte plattdüütsche Leed Anke van Tharaw.

Dach was de Söhn vun en Dolmetscher för Litausch bi Gericht in Memel. He was in Königsbarg op de Doomschool un güng later na de Latienschool in Wittenbarg. He was ok op’t Gymnasium in Meideborg. As de Pest na Meideborg keem, dor flüch he över Danzig na Königsbarg trüch.

1626 begunn he, in Königsbarg Theologie un Philosophie to studeern. Na dat Studium was he vun 1633 af an Lehrer op de Doomschool un vun 1636 af an ok Konrekter. 1639 kreeg he ’n Lehrstohl för Poesie an de Universität Königsbarg un möök 1640 dor ok ’n Dokter. 1656 worr he Rekter vun de Königsbarger Universität.

Simon Dach weer in en Dichterkring, wo ok de luthersche Paster Georg Weissel, en Dichter vun Karkenleder weer. Sien eenzig plattdüütsch Leed, wat noch kundig is, is Anke van Tharaw, wat he to de Hochtiet vun Anna Neander mit den Pastoor Johannes Portatius schreven hett.

Dach hett 1654 de Swindsucht kregen is dor 1659 vun doodbleven.

Literatur[ännern | Bornkood ännern]

  • Birt, Alexander J.: Simon Dach. - Königsberg i.P. : Gräfe & Unzer, 1905
  • Simon Dach und seine Freunde als Kirchenlieddichter / hrsg. von August Gebauer. - Tübingen : Osiander, 1828
  • Stiehler, Heinrich: Simon Dach. - Königsberg i.P. : Hartung, 1896