Sigmund Jähn

Vun Wikipedia
Wesseln na: Navigatschoon, Söök
Sigmund Jähn 1978

Sigmund Werner Paul Jähn (* 13. Februar 1937 in Morgenröthe-Rautenkranz in dat Vogtland, Sassen) is en ehmaliger düütsch Ruumfohrer ut de Düütsche Demokraatsche Republiek. He weer de eerste Düütsche in’t Weltall.

Utbilden[ännern | Bornkood ännern]

Nah de Volksschool bit 1951 absolveer Sigmund Jähn bit 1955 en Lehr as Bookdrucker. Dornah hett he sien Militärdienst bi Luftstrietkraften vun de DDR afleist. Van 1966 bit 1970 hett he an en Militärakademie in Russland studeert un dornah as Inspekteur för Jagdflegerutbilden in de DDR arbeid.

Ruumfohrer[ännern | Bornkood ännern]

1976 is he as Ruumfohrer utsöcht wurrn, um an en so nömmt INTERKOSMOS-Floog deeltonemmen.

Sojus 31: Breefmarkenblock ut de DDR
Jähns MiG-21 vör de Düütsche Ruumfohrtutstellung in de olde Hööftbahnhoff vun Morgenröthe-Rautenkranz

An’ 26. August 1978 is he tosommen mit Waleri Fjodorowitsch Bykowski in dat Ruumschipp Sojus 31 to de Ruumstatschoon Saljut 6 flogen. 7 Daag, 20 Stünn, 49 Minüten und veer Sekunden düür de Mission. 125 Mal sünd se üm de Eer flogen un hebbt dorbit allerhand Experimente dörföhrt. Ok en speziellen Kamera ut de DDR keem to’n Insatz.

Nah de Mission hett he völ Orden und Utteknungen kreegen un is bannig hoffeert wurrn. In sien Geburtsstadt hebbt se intüüschen en eegen Utstellung apen makt. Ok de Asteroid Sigmundjähn is nah hüm nömmt wurrn.

Wiedere Karriere[ännern | Bornkood ännern]

1983 hett Jähn in Potsdam an dat Zentraalinstitut för Physik un Eer promoveert. Later henn hett he för de DLR aber ok siet 1993 för de ESA arbeid.

Warken[ännern | Bornkood ännern]

  • Erlebnis Weltraum. Militärverlag der DDR, Berlin 1983

Literatur[ännern | Bornkood ännern]

  • Horst Hoffmann: Sigmund Jähn. Der fliegende Vogtländer. Das Neue Berlin, Berlin 1999, ISBN 3-360-00848-0 (autoriseert Biographie)
  • Horst Hoffmann: Die Deutschen im Weltraum. Zur Geschichte der Kosmosforschung und Raumfahrt in der DDR. Vorwort von Sigmund Jähn, Edition Ost, 1998, ISBN 3-932180-49-6

Weblenken[ännern | Bornkood ännern]