Shannon Rempel

Shannon Rempel bi de Weltcup in Heerenveen 2007

Shannon Rempel (* 26. November 1984 in Winnipeg) is en kanaadsch Iesflinklöperin, de sück up Sprint- un Körtstrecken spezialiseert hett.

Shannon Rempel is eerstmals in’ Februar 2001 bi de Weltcup in Heerenveen antreden. Immer weer kunn se vördere Platzen belegen – so wurr se tweemal in hör Karriere Tweete bi 1000-Meter-Weltcuprennen – wenn se denn mal weer Spood harr, keem aber ok weer en Rückslag. De tweefak kanaadsch Meesterin hört vör allen as Sprintmehrkämperin to de Weltklasse. Aber ok as Allrounderin kann se bestahn un wurr in diesse Disziplin 2003 Juniorenweltmeesterin. Hör gröttste Spood weer de Gewinn vun de Sülvermedaille an de Siet vun Kristina Groves, Clara Hughes, Cindy Klassen un Christine Nesbitt bi de Teamwettkamp bi de Olympisch Winterspelen 2006 in Turin. En Johr later wurr se ok in’t Team Weltmeesterin.

Weblenken

• Shannon Rempel bi Skateresults
• Statistik bi Speedskatingnews
• Fotos bi DESGphoto