Sendai-Eerdbeven vun 2011

Vun Wikipedia

Dat Sendai-Eerdbeven vun 2011 is en groot Eerdbeven vor de Küst vun Japan in de Region Tōhoku ween. Losgahn is dat an’n 11. Määrt um Klock 14:45:49 Oortstied in Japan. Dat weer Klock 6:45:49 MET. Dat Epizentrum hett um un bi 370 km noordööstlich vun Tokio un 130 km ööstlich vun Sendai legen. Dat is dat dullste Eerdbeven in Japan ween vun de Tied af an, wo de Eerdbeven uptekent wurrn sund.


Dat Eerdbeven is vun de United States Geological Survey mit de Momenten-Magnitude 8,9 Mw angeven wurrn. Dat Beven sien Hypozentrum hett in en Deepde vun um un bi 25 km legen.[1] De Japan Meteorological Agency hett angeven, dat de Starkde vun dat Beven bi 9,0 M legen hett. Dat Pacific Tsunami Warning Centers (PTWC) hett seggt, datt dat Beven en Starkde vun 9,1 up to wiesen harr.[2] Dat Eerdbeven hett en Tsunami utlööst, de en bannig hooch ween is. De japaansche Naam vun dat Eerdbeven is Heisei 23 (2011) Tōhoku-chihō Taiheiyō-oki Jishin (jap. 平成23年(2011年)東北地方太平洋沖地震, platt etwa „pazifisch Küsteneerdbeven [vor de] Region Tōhoku 2011“, amtlich engelsch: The 2011 off the Pacific coast of Tohoku Earthquake).[3] An’n dullsten is dat Beven in Kurihara in’ Norden vun de Präfektur Miyagi ween. Dor hett dat en Dullheit vun 7 up de JMA-Skala harrt.[4][5] Swore Floten sund achterna folgt un de Karnkraftwarke in düsse Kuntreien in’n Noordoosten vun Japan sund bannig in’e Bredullje kamen. Dat is an tonehmen, dat dat tominnst in dat Karnkraftwark Fukushima I to en Karnsmölt kamen is.

Belege[ännern | Bornkood ännern]

  1. [http://earthquake.usgs.gov/earthquakes/recenteqsww/Quakes/usc0001xgp.php |Magnitude 8.9 – NEAR THE EAST COAST OF HONSHU, JAPAN |United States Geological Survey |togrepen an’n 11.3.2011
  2. Star Advertiser, 11. März 2011
  3. [http://www.jma.go.jp/jma/press/1103/11c/201103111620.html%7C平成23年3月11日14時46分頃の三陸沖の地震について(第2報)%7C11.3.2011%7Ctogrepen an'n 13.3.2011
  4. NHK News: Wie de Starkde verdeelt ween is
  5. Kishō-chō (engl. JMA): Eerdbevenbericht: Hypozentrum un Intensitäten (japaansch, engelsch)