Seminole (Texas)

Vun Wikipedia
Wesseln na: Navigatschoon, Söök

Seminole is ene Stadt in Texas in de USA mit 5910 Inwahners (Stand vun’n Zensus vun 2000). De Stadt is ok Sitt vun de Verwalten vun’n Gaines County.

1977 hebbt Mennoniten ut de Chihuahua-Kolonie in Mexiko un en lüttjere Grupp ut Kanada in Seminole Land köfft. De gröttere Deel höör to de Ooltkolonialen, de 2600 Hektar Land köfft hebbt, un de lüttjere to de Generalkonferenz-Mennoniten mit 475 Hektar Land. De Mennoniten harrn Problemen bi dat Inwannern un so hebbt de Ooltkolonialen en Deel vun jemehr Land wedder verköfft. Eerst 1980 hebbt se endgüllig Verlööf kregen, dat se blieven dröffen. As de Anfangstiet överstahn weer, leven in de Ümgegend vun Seminole, in Gaines County un in Andrews County 2000 Mennoniten. Ok Süden vun Stanton gifft dat noch en Grupp vun bi teihn Familien un jüst soveel leevt in Lubbock. Ok in de Countys in de Ümgegend leevt noch welk enkelte Familien. 1982 geev dat in Seminole veer Karken un dree Scholen extra för de Mennoniten. Bet 1993 weer de Tall an Mennoniten, ok dör foortsett Inwannern ut Mexiko un Kanada, op 3000 Lüüd anwussen.


Koordinaten:32° 43′ N, 102° 39′ W