Seev

Vun Wikipedia
Wesseln na: Navigatschoon, Söök
Seev
Laag Neddersassen
Stroomsystem Elv
Läng 49 km
Born bi Wehlen (op 67 m över NN)
Münn bi Wuhlenborg in de Elv
Afströömrebeed 471 km²
Water je Sekunn 5,1 m³/s
linke Blangenströöm Steenbeek, Seevkanaal
rechte Blangenströöm Rehmbeek, Weseler Beek, Smale Au, Ashuser Möhlenbeek
schippbor -
Seen -
Seev bi Jesborg

De Seev is en linken Blangenstroom von de Elv in Neddersassen un is 49 Kilometer lang.[1]

Ehren Born hett de Seev in’n Süden von Wehlen, dicht bi de Grenz na’n Landkreis Heidkreis in dat Naturschuulrebeed Lümbörger Heid. Von dor flütt se groff na Noorden an Inzmöhlen un Handörp langs. Bi Wörm dreiht se na Noordoosten un flütt na Holm. Dor gifft dat en Stauwehr för de ole Holmer Möhl un fröher en Saagwark. Denn geiht dat an Schierhoorn, Thelsdörp, Weih, Lüllau un Wiedenhoff langs un denn dör den Oort Jesborg dör. Twüschen Heidwinkel un Marxen kummt von rechts de Smale Au. Denn geiht dat an Bensdörp, Ramßel un Harmsdörp vörbi na Host. In Host gifft dat de Hoster Möhl. Dor flütt de Seev bi Hittfeld, Karoxbossel un Jehrden ünner de A 7, A 39 un twee Maal ünner de A 1 dör.

Bi Maschen flütt se ünner de Schenen von’n Rangeerbahnhoff Maschen dör. Von Meckelfeld her is de Seev hier mit’n Seevkanaal verbunnen. De Seevkanaal schall Köhlwater na de Horborger Phönix-Warken bringen. De Beek flütt nu an Hörsten langs, dör dat Naturschuulrebeed Ünner Seevdaal, nimmt den Ashuser Möhlenbeek op un münnt denn een Kilometer wieder bi Wuhlenborg un Over in de Elv (Elvkilometer 604,9). An de Münn liggt dat Seev-Sparrwark.

De Seev hett de Watergöödklass II: beten belast. Blots de Ashuser Möhlenbeek hett de Göödklass II-III: kritisch belast[2][3].

De Gemeen Seevedaal is na de Seev nöömt.

Footnoten[ännern | Bornkood ännern]

  1. Michael Bergemann: Gesamtliste der Fließgewässer im Elbeeinzugsgebiet. 2012
  2. Gewässergüte Seeve-Süd
  3. Gewässergüte Seeve-Nord

Weblenken[ännern | Bornkood ännern]

Commons-logo.svg Seev. Mehr Biller, Videos oder Audiodateien to’t Thema gifft dat bi Wikimedia Commons.


Koordinaten:53° 25′ N, 10° 6′ O