Schoolmeester

Vun Wikipedia
Wesseln na: Navigatschoon, Söök

Een Schoolmeester is een Lehrer an de Grundschool, an de Hauptschool, de Gesamtschool un de Realschool. Un wenn dat een Fruunsminsch is, denn is dat een Schoolmeestersch.

De Schoolmeesters an de hooge School heeten Persepter, un an de Hoogschoolens Perfesser.

Wo dat losgüng[ännern | Bornkood ännern]

Al in dat ole Ägypten harrn se Bruuk för Lü, de lesen un schriewen kunnen. Un so keem dat to de eersten Schoolen un de eersten Schoolmeesters. Ook in Mesopotamien weer dat so. Bi de Römers weer dat tomeist Saak vun plietsche Slaaven, de Kinners dat rechte Latinsch un dat Lesen un Schriewen un Reken bitopuhln. In dat Medeloller weern dat de Monken vun de Klosters. Later geev dat denn ook Schoolen in de grötteren Steden. So üm dat 17. un 18. Johrhunnert keem dat denn, dat dat ook op de Dörpen Schoolen geev. Un dormit Schoolmeesters. Faaken weern dat obers Lü, die meist bloots een beeten sülven Lesen un Schriewen un Reken kunnen un nich blots op de Kinners passen mööten, man ook op de Swien un de Schaapen un dat Rindveeh vun dat Dörp. Un de ole Fritz harr faaken sien ole Suldoten to Schoolmeesters mookt.

In dat 19. Johrhunnert keem dat denn, dat de Schoolmeesters ook düchdig wat leern mööten, för dat se op de Kinners loslaaten weern. Dat weer denn op een Schoolmeester-Seminor. In dat 20. Johrhunnert mööten de Schoolmeesters ersmol op de pädagogsche Hoogschool gahn. Un in Hamborg studeern de angahn Schoolmeesters denn op de Universität.