School op de Wurth

Vun Wikipedia
Teken an de School

De School op de Wurth weer ene Grundschool in Wöhrn. Nu is dat en Waldorf-School.

Dat hüdige Schoolhuus is 1875 boot worrn un liggt op en Wurth merrnmank in Wöhrden glieks blangen de Kark. Dat geev aver al vördem ene Volksschool in Wöhrn.

Ok vun Norderwöhrn güngen de Kinners op de School op de Wurth. De Schölers vun de School op de Wurth güngen fröher na Heid op de Hauptschool oder na Heid, Wesselburen, Büsen oder Meldörp op Realschool un Gymnasium.

2005 hett de Schoolraat beslaten, dat kene Kinners mehr op de School op de Wurth inschoolt warrn schöölt. De ne’en Klassen schullen nu in Hemmingstedt na School gahn, vun wegen dat Wöhrn alleen to wenig Schölers hett, dat sik en egene School nich mehr lohnt. För de 1. Klass in dat Schooljohr 2005/2006 geev dat blot noch dörteihn Kinner. Denn schull dat na een Johr wedder ümstött warrn. Ene Klass güng nu al na Hemmigstedt. De nächste Klass schull aver wieder in Wöhrn blieven. Noch een Johr later wullen se denn anfangen, twee Johrgäng in ene Klass to ünnerrichten. De drüdde un veerte Klass schull denn an de Neocorus-School in Büsen gahn. Aver ok dat wull amenn nich klappen. 2006 hett sik de Schoolverband oplöst. Vun dat Schooljohr 2007/2008 an is nu aver ene Waldorf-School in dat Schoolhuus in Wöhrn ünnerbröcht. De eerste Waldorf-School an de sleswig-holsteensche Westküst. Se schall later bet to’n Abitur föhrn.

Weblenken[ännern | Bornkood ännern]


Koordinaten:54° 10′ N, 8° 60′ O