Schedenvörhoff

Vun Wikipedia
Wesseln na: Navigatschoon, Söök
De Lien markeert den Schedenvörhoff

De Schedenvörhoff (Vestibulum vaginae) is dat Rebeet twüschen de Puus un den Schedeningang bi Fronslüüd un Seken bi annere Söögdeerten. De Grenz twüschen Scheed un Schedenvörhoff is dör de Münnen vun de Harnröhr defineert. An disse Grenz liggt ok de Jumfernhuut (Hymen). De Schedenvörhoff warrt vun de groden un de lütten Schaamlippen bedeckt un schuult.

Üm den Schedenvörhoff rüm sünd enige Drüsen to finnen, de dorför sorgt, dat de Vagina fuchtig warrt, vun wegen dat de Scheed sülvst keen Drüsen bargt:

Blangen de gladde Muskulatur vun de Vörhoffwand sorgt de dweerstriepte Muskulatur (Musculus constrictor vestibuli) för den Versluss vun den Schedenvörhoff. Butendem is bi eenige Spezies (Minsch, hund, Peerd) in de sietlichen Vörhoffwand en sünner’t Swellgeweev (Bulbus vestibuli) utbillt, wat dat Gegenstück to’n Harnröhrenswellkörper (Corpus spongiosum penis) bi männliche Leevwesen is.