Sao (Maand)

Vun Wikipedia
Wesseln na: Navigatschoon, Söök

Sao (ok as Neptun XI betekent) is en vun de lütten Maanden vun den Planet Neptun.

Opdecken un Naam[ännern | Bornkood ännern]

De Maand Sao is an’n 14. August 2002 dör en Team ut de Liddmaten Matthew J. Holman, John J. Kavelaars, Tommy Grav, Brett J. Gladman, Wesley C. Fraser, Dan Milisavljevic, Philip D. Nicholson, Joseph A. Burns, Valerio Carruba, Jean-Marc Petit, Philippe Rousselot, Oliver Mousis, Brian G. Marsden un Robert A. Jacobson opdeckt worrn. Se harrn dorför Opnahmen bruukt, de an’t Cerro Tololo Inter-American Observatory in Chile un mit dat Canada-France-Hawaii Telescope in Hawaii maakt worrn sünd. Dorbi sünd mehrere Opnahmen digital kombineert worrn, bit de Maanden dorop as lütte Punkten gegenöver de streekförmigen Steerns to sehn weern. Bekanntgeven weer de Opdecken an’n 13. Januar 2003. To den Tietpunkt hett de Maand toeerst den vörlöpigen Naam S/2002 N 2 kregen.

Sien hüütigen Naam hett Sao an’n 3. Februar 2007 kregen. Nöömt is de nu na Sao, een vun de 50 Nereiden ut de greekschen Mythologie. De Nereiden sünd dor de schönen Döchter vun den kloken Nereus un sien Fro Doris. Sao weer in de Mythologie mit dat Seilen in Tosamenhang bröcht.

Ümloop[ännern | Bornkood ännern]

Sao bewegt op en Ümloopbahn mit en middleren Afstand vun ruchweg 22.182.010 km üm Neptun. För een Ümloop bruukt de Maand ruchweg 2.905 Daag, 15 Stünnen un 22 Minuuten, dat sünd meist 8 Johren. Dormit bruukt de Maand för een Ümloop mehr Tiet as de binneren Planeten un de meisten Asteroiden för jemehrn Ümloop üm die Sünn bruken doot.

De Bahn is üm 65,22° gegen den Äquater vun’n Neptun neegt un wiest mit 0,1409888 en teemlich grote Exzentrizität op, wat en ungewöhnliche Bahn för en Maand is. De Maand is in en eo nöömte Kozai-Bahnresonanz. Dat heet, dat de Bahnnegen un de Exzentrizität an’nanner koppelt sünd: Wenn de Bahnnegen afnehmen deit, warrt de Exzentrizität grötter un ok anners rüm. Vun dorher ist antonehmen, dat de Bahnparameters vun Sao nich fast sünd, vunwegen dat de Exzentrizität ok mit 0,2931 angeven warrt un de Bahnnegen gegen de Ekliptik ok mit 48,511°. De Halfass warrt mit Weerten twüschen 22,228 un 22,422 Millionen km angeven.

Physikaalsche Egenschoppen[ännern | Bornkood ännern]

De Albedo vun Sao liggt bi 0,16, d.h. dat 16 % vun infallen Licht wedder torüchstrahlt warrt. Dormit is de Böverflach teemlich düster, man heller as bi vele annere Maanden. Op Grundlaag vun disse Albedoa is de Dörmeter vun Sao op 44 km afschätzt worrn. De Dicht warrt op 1,5 g/cm³ schätzt. Von dorher künnt de Maand to’n gröttsten Deel ut Wateries bestahn.

De Forschers gaht dorvun ut, dat Sao inst en Asteroid weer, de vun Neptun in fangen worrn is.