Santiano
Santiano is en düütsche Band ut den Flensborger Ruum, de Musikgenres as traditschonelle Volksleder, Slager, Irish Folk un Seemannsleder mischt. De Bandnaam leit sück vun den Shanty Santiano af, ok bekannt as O Santianna (All on the Plains of Mexico), de de franzöösch Singer Hugues Aufray 1961 to en Hit maakt harr.
Liddmaaten[ännern | Bornkood ännern]
De Grupp besteiht ut Hans-Timm „Timmsen“ Hinrichsen (Gesang, Gitarr, Bass, Slatüüch), Axel Stosberg (Gesang, Mundharmonika, Perkussion), Björn Both (Gesang, Gitarr, Bass, Didgeridoo), Andreas Fahnert (Gesang, Gitarr) un Peter David „Pete“ Sage (Vigelien, Mandoline, Gesang, Akkordeon, Bouzouki, Perkussion, Tin Whistle). Hans-Timm Hinrichsen sien Loopbahn fung in de 1990er Johren in de Bluesband Jack McTiger and the new Deal an. Dornah hett he mit Formatschonen as Timmsen und sien Lüüd un Timmsen und Lui eenige CDs rutbroch. Axel Stosberg (* 1967) is ok Schauspeler un all över Johren Liddmaat vun dat Ohnsorg-Theater. Björn Both (* 1965 in Husum) hett tovör mit de Grupp Late September Dogs all söben Platten rutbrocht, speel denn mit en Grupp mit Naam Windwanderer und af 2011 solo ünner de Naam "Sangit". Andreas Fahnert (wurrd ok Fannert schreven)harr en eegen Band mit Naam Rockwork, hett aber ok Filmmusiken schreven, so to'n Bispeel för Werner-Filme. Pete Sage hett as Begleitmusiker all mit Achim Reichel, Mike Oldfield un Westernhagen speelt.
Geschichte[ännern | Bornkood ännern]
De Idee to Santiano stammt vun Hartmut Krech, en in Flensborg ansässigen Musikproduzenten un Inhebber vun dat Label Elephant Music. An’ 3. Februar 2012 keem bi We Love Music, en Kooperatschonslabel vun Universal Music un ProSiebenSat.1 Media, da eerste Album vun de Band mit den Titel Bis ans Ende der Welt herut. Dat keem up Platz 1 vun de düütsch Albumcharts. In dat glieker Johr hett de Grupp denn ok en Tournee dör mehrere Städer in den düütschsprakigen Ruum maakt. Ünner annern sünd se dorbi ok bi dat Wacken Open Air uptreeden. In’ November 2012 kemm denn en Dokumentatschoon vun hör Tournee as Live-CD/DVD herut.
2013 kreeg de Grupp den Echo (Musikpries) in de Kategorie „Volkstümliche Musik“. Santiano is as Vörband to de Tour „Das Sommer-Event 2013“ vun Helene Fischer uptreeden un is van November 2013 bi April 2014 up eegen Tournee dör Düütschland.[1] An’ 13. März 2014 sünd se bi de düütsch Vörentscheeden to den Eurovision Song Contest, Unser Song für Dänemark, antreeden, aber in’t Halffinale utscheeden.[2]
Diskografie[ännern | Bornkood ännern]
Studioalben[ännern | Bornkood ännern]
| Johr | Titel | Chartplatzeeren[3] | Anmarken | ||
|---|---|---|---|---|---|
| DE | AT | CH | |||
| 2012 | Bis ans Ende der Welt | 1 (… Wo.) |
25 (12 Wo.) |
15 (… Wo.) |
Eerstsmals rutbrocht: 3. Februar 2012 Verkööp DE: + 600.000 (3x Platin)[4] |
| 2013 | Mit den Gezeiten | 1 (… Wo.) |
31 (… Wo.) |
21 (… Wo.) |
Eerstmals rutbrocht: 10. Mai 2013
Verkööp DE: + 100.000 (Gold)[5] |
Utteknungen[ännern | Bornkood ännern]
- 2013: Echo in de Kategorie Volkstümliche Musik
- 2013: Mein Star des Jahres in de Kategorie Erfolgreichstes Album des Jahres[6]
Weblenken[ännern | Bornkood ännern]
Enkeld Nahwiesen[ännern | Bornkood ännern]
- ↑ Santiano Tourdaten Vorverkaufstarts.de afropen an’ 23. März 2014.
- ↑ http://www.ksta.de/kultur/esc-vorentscheid-elaiza-tritt-fuer-deutschland-beim-esc-an,15189520,26551916.html
- ↑ Diskografie bi acharts.us
- ↑ http://www.musikindustrie.de/gold_platin_datenbank/#topSearch
- ↑ http://www.musikindustrie.de/gold_platin_datenbank/#topSearch
- ↑ bauermedia.com - Mein Star des Jahres