Samtgemeen Swarms
| Wapen/Flagg | Koort | |
|---|---|---|
|
|
|
|
| Basisdaten | ||
| Sitt: | Swarms | |
| Landkreis: | Heidkreis | |
| Flach: | 140,96 km² | |
| Inwahners: | 12.192 (31. Dezember 2008) | |
| Inwahnerdicht: | 86,5 Inwahners pro km² | |
| Geograafsche Laag: | 52° 40′ N, 9° 37′ O | |
| Gemeenslötel: | 03 3 58 403 | |
| Gemenen in de Samtgemeen: | 5 | |
| SG-Börgermeester: | Hans Wilhelm Frische (ahn Partei) | |
| Websteed: | www.schwarmstedt.de | |
De Samtgemeen Swarms (hoochdüütsch: Schwarmstedt) is en Samtgemeen in’n Landkreis Heidkreis, in de sik fief Gemenen för de Afwickeln vun de Verwaltenssaken tohopen slaten hebbt.
Inholtsverteken |
[ännern] Geologie
En Översicht över de Geologie un Entstahn vun dat Rebeet vun’n helen Landkreis is in den Artikel Landkreis Heidkreis beschreven un kann dor naleest waarn.
[ännern] Historie
De Samtgemeen gifft dat siet den 4. März 1974. Se is dormols in’n Rahmen vun de Rebeetsreform vun’t Land Neddersassen nee billt worrn.
[ännern] Geografie
De Samtgeem Swarms billt den süüdlichsten Tippel vun’n Landkreis un warrt to’n Noorden hen vun de Samtgemeen Ahlden, vun de Eenheitsgemeen Walsrood un vun den gemeenfre’en Bezirk Oosterheid afgrenzt. Wieter hett de Samtgemeen Grenzen to dree annere Landkreisen: In’n Oosten is dat de Landkreis Celle mit sien Eenheitsgemenen Wietze un Winsen (Aller) un in’n Süüden de Region Hannober mit de Gemeen Wedemark un de Eenheitsgemeen Niestadt. In’n Westen slutt sik de Landkreis Nienborg/Werser mit de Samtgemenen Steembke un Heemsen an
[ännern] Samtgemenenopdelen
To de Samtgemeen höört de nafolgen Gemenen (na’t Bookstaveren):
[ännern] Politik
[ännern] Samtgemeenraat
De Samtgemeenraat vun Swarms besteiht vundaag neven den den Samtgemeenbörgermeester ut dörtig wählte Raatsliddmaten, de sik op dree Frakschonen verdeelt. De letzte Kommunalwahl weer in’n November 2011:
| Partei | 20111 | 2006 |
| SPD | 18 | 12 |
| CDU | 8 | 11 |
| FDP | – | 1 |
| Bündnis 90/De Grönen | – | 1 |
| UWG | 4 | 3 |
[ännern] Samtgemeenbörgermeester
De Samtgemeenbörgermeester is Hans-Wilhelm Frische, de jüst so as sien Vertreder Klaus Marquart keen Partei tohöörig is.
[ännern] Wapen
Dat Wapen vun de Samtgemeen besteiht ut en roden Hööftschragen op sülvern Grund. Dorin is in de Mitt en golden Ploogschoor to sehn mit twee sülvern Radkrüzen links un rechts, een op jede Siet. Dat Wapen warrt siet 1966 vun de Gemeen Swarms bruukt un is 1973 ok as Wapen vun den Raat vun de Samtgemeen Swarms annahmen worrn.
