São Domingos (Distrikt)

Vun Wikipedia
Wesseln na: Navigatschoon, Söök
Laag vun’n Concelho São Domingos Santiago in Kap Verde

São Domingos is en Verwaltensrebeet (Concelho) vun de Republiek Kap Verde. De Distrikt liggt in’n Süüden vun’t Hööfteiland Santiago, nöördlich vun’n Concelho Praia. Dat Rebbet ümfaat de twee Karkengemenen Nossa Senhora da Luz un São Nicolau Tolentino.

Geografie[ännern | Bornkood ännern]

De Concelho São Domingos hett fröher to den Distrikt vun Praia höört, man dat geev Problemen, de groote Hööftstadt Praia as ok gliektietig de ländlichen vun Bueree prägten Dörper to verwalten.

In’n Concelho São Domingos gifft dat twee grote Straten, wovun een 2004 jüst eerst verbredert un asphalteert worrn is. De beiden gröttsten Öörd in dissen DIstrikt sünd São Domingos, woneem ok de Verwalten ehrn Sitt hett, un Praia Baixo. São Domingos sülvst hett ruchweg 13.000 Inwahners un is dormit de gröttste Oort, wiet vör de annern Dörper as Água do Gato, Achada Banana un Rui Vaz, dat an de Kant vun en 1 km hooch Kliff liggt över Ribeirão Galinha.

De Tourismus speelt in dissen Concelho keen grote Rull un konzentreert sik vör allen op Rui Vaz un Praia Baixo. Weertschopplich hangt aver allens sünners an de Bueree. De Ackerflachen in dit Rebeet hebbt röder Boddens as annerswo op dat Eiland. Bito is de Grundwaterspegel hier wat höger dör dat aflopend Regenwater vun den middleren Part vun’t Eiland. De westliche Grenz warrt vun piele Felsens bestimmt, woneem blots wenig Regen fallt. In dat Rebeet is Ackerbo praktisch nich möglich.

Wahnsteden[ännern | Bornkood ännern]