Rui Vaz

Vun Wikipedia
Wesseln na: Navigatschoon, Söök

Rui Vaz is en Dörp in’n Concelho São Domingos op dat Eiland Santiago in de Republiek Kap Verde.

Geografie[ännern | Bornkood ännern]

Dat Dörp Rui Vaz liggt ruchweg een Kilometer hooch in de Bargens ’n beten süüdlich vun de Mitt vun’t Eiland. De Hööch sorgt för en leeftallig Klima. As sik de Wulken an de Bargens verhangen un afregen künnt, is dat Rebeet bannig gröön bewassen, man dörsett vun Felsen. De Oort is ümgeven vun Bargtippen, wiel de Daalrebeden as Ackerland nütt warrt, sünners in’t Dörp sülvst. De meisten Ackerflachen sünd aver nich grötter as’n Volleyballfeld un ok de Höff dorto sünd bannig lütt.

Dörpsbild[ännern | Bornkood ännern]

En Deel vun de Hüüs in Rui Vaz sünd Enn vun’t 20. Johrhunnert boot worrn, ’n groten Deel dorvun sünd Lehmhüüs, annere ut Tegel oder Natursteen. De Levensümstännen un dat Inkamen leegt in Rui Vaz in de Mitt, man in verleden Tieten bit Mitt vun’t 20. Johrhunnert geev dat dor so goot as keen Geld. Dat Dörp liggt an de Grenz twüschen Ünner- un Middelklass.

Dat Dörp hett en Kark un en Grundschool. Wieterföhrend Scholen gifft dat in Picos, dat wieter na Noorden liggt.

Weertschap[ännern | Bornkood ännern]

En goot Deel vun de Inwahners leeft vun de Landweertschap, vör allen vun’n Anbo vun Bananen, Ananas un annere Aaft- un Grööntüüchsorten, aver ok vun de Veehtucht. De restlichen Lüüd arbeit in Ladens, in’n Haven oder anner’t Gewarf. Versorgen mit Stroom, Telefon un so wieter gifft dat in Rui Vaz siet Enn vun’t 20. Johrhunnert

Beropen Lüüd[ännern | Bornkood ännern]

Ut Rui Vaz kummt de kapverdsche Musiker Silva Rosa.