Rudolf Stechmann

Rudolf Stechmann (* 9. Februar 1899 in Dollern; † 15. Oktober 1989 in Jörk) weer en düütschen Politiker von de DP. He weer von 1955 bet 1959 Afornten in’n Landdag von Neddersassen.

Stechmann is 1899 in Dollern boren un weer op de Högere School. He hett sik 1917 in’n Eersten Weltkrieg as Freewilligen mellt. As de Krieg toenn weer, hett he an de Technische Hoochschool Hannover studeert. En Tiedlang hett he sien Studium aver ünnerbraken, as he in en studentischen Kampfverband weer. Von 1920 af an hett he as Buur in Bossel arbeidt. Nadem he en Tied op de Landwirtschaftliche Hoochschool in Halle hett he na en autodidaktisch Studium sien Examen maakt un 1924 över dat Thema Untersuchungen über Keimschwankungen einiger Gräser und ihre Bedeutung für die praktische Samenprüfung sien Dokterarbeid schreven. 1925 is he Diplomlandwirt an de Universität Hamborg worrn. Von 1930 af an weer he as Buur sülvstännig. 1939 is he in’n Tweten Weltkrieg Baas von en swore Eenheit worrn. Na’t Enn von’n Krieg weer he Mitgrünner von’n Bund von nedderelvsche Aavtbuurn. 1953 hett he en Studienreis över Anbo un Verkoop von Aavt un Grööntüüg in de USA maakt. He weer Mitinhaber un Geschäftsföhrer von en Klinkerwark.

Stechmann weer von 1955 bet 1959 in de drüdde Wahlperiood Maat von’n Landdag von Neddersassen. He weer von’n 9. Mai 1955 af an Maat von de DP/CDU-Frakschoon.