Roxann Dawson

Vun Wikipedia
Wesseln na: Navigatschoon, Söök
Roxann Dawson (2003)

Roxann Dawson (ok Roxann Biggs-Dawson; * 11. September 1958[1] in Los Angeles, Kalifornien) is en US-amerikaansche Schauspelerin un Speelbaassche.

Leven un Wark[ännern | Bornkood ännern]

Roxann Dawson is as Roxann Caballero boren worrn. Se weer mit den US-amerikaanschen Schauspeler Casey Biggs verheiraat un weer dorüm vun 1988 bit 1994 in de Filmcredits as Roxann Biggs opföhrt. In tweete Eh hett se den Casting-Direkter Eric Dawson heiraat, mit den se twee Döchter hett: De een weer 1998 boren, de annere is en Adoptivkind, dat 1999 boren worrn is.

Dawson hett Theaterwetenschoppen an de University of California, Berkeley studeert. Dorna hett se in New York City an verschedene Theaters in vele Rullen speelt.

Bekannt worrn is se vör allen dör ehr Rull B’Elanna Torres, de se in de Science-Fiction-Reeg Star Trek: Voyager speelt hett. Na’t Enn vun de Feernsehreeg hett se vör allen as Speelbaas arbeit, ünner annern för Regen as Charmed, Crossing Jordan, Cold Case oder Star Trek: Enterprise.

Dawson ünnerstütt de Half the Sky Foundation, en Stiftung, de sik üm Weetkinner in China sorgen deit. To’n Bispeel hett se ehr Mask vun de B’Elanna Torres veraukschoneert un dat Geld spennt.

Filmografie (Utwahl)[ännern | Bornkood ännern]

Johr Titel Funkschoon Synchroonsnacker
1985 A Chorus Line Schauspeler  
1988 Broken Angel, Feernsehn
dt.: Broken Angel – Gefallene Engel
Schauspeler  
1989 Nightingales, Feernsehreeg Schauspeler  
1991 N.Y.P.D. Mounted, Feernsehn
dt.: Tigerjagd in Manhattan
Schauspeler  
1992 Dirty Work, Feernsehn
dt.: Ein dreckiges Spiel
Schauspeler  
1992 Mortal Sins, Feernsehn
dt.: Todsünden
Schauspeler  
1994 Pointman, Feernsehn
dt.: Unschuldig hinter Gittern
Schauspeler  
1994 Greyhounds, Feernsehn
dt.: Greyhounds – Schnüffler gehen nie in Rente
Schauspeler  
1997 The Heartbreak Cafe, Feernsehreeg Speelbaas
1998 The Lost World, Feernsehn Schauspeler  
1995-2001 Star Trek: Voyager, Feernsehreeg
dt.: Star Trek: Raumschiff Voyager
Schauspeler
ok Speelbaas
Arianne Borbach
2001-2004 Star Trek: Enterprise, Feernsehreeg Speelbaas
2004 Jesus the Driver Schauspeler  
2004-2007 Crossing Jordan, Feernsehreeg
dt.: Crossing Jordan – Pathologin mit Profil
Speelbaas
Produzent
2005-2009 Cold Case
dt.: Cold Case – Kein Opfer ist je vergessen
Speelbaas
Produzent

Utteken[ännern | Bornkood ännern]

Dawson hett bit hüüt keen Filmpriesen wunnen, weer aver fiefmol nomineert.

Borns[ännern | Bornkood ännern]

  1. na den kalifoornschen Geboortenindex un wietere Borns, annere Borns geevt 1964 an

Weblinks[ännern | Bornkood ännern]

Commons-logo.svg Roxann Dawson. Mehr Biller, Videos oder Audiodateien to’t Thema gifft dat bi Wikimedia Commons.