Roode Pariner

De Roode Pariner (ok as “Pariner Wiehnachtsappel“ betekend) is en Appelsort.

Dat is en olden Appelsort, de üm 1900 in Groot Parin in Sleswig-Holsteen entstahn un nah sien Herkonft nömmt wurrn is. De Huusappel kummt as Lokalsort blots in de Ruum Lübeck vör.

As Winterappel is he Enn Oktober riep för de Arnt, bannig hart un meest gar nich druckempfindlich. In’t Lager wurrd he meest gar nich welk un kann dorüm lang lagert wurrn. Af Enn Dezember bit März (un wenn he good lagert is, ok noch bedüüdend länger) kann he eeten wurrn.

De Appel is rund bit oval-afflacht, hett en Dörmeter vun bit to 10 cm un hett en dörgahnd roode Schiil mit en paar swaart Punkten un witt Fruchtfleesch. Dat Fruchtfleesch is bit to de Genussriep middelfast un bannig suur - dorüm kann man de Appel vörwiegend as Braatappel un Kokenappel bruuken.