Ronald Ross

Vun Wikipedia
Ronald Ross

Ronald Ross, K.B., (* 13. Mai 1857 in Almora, Indien; † 16. September 1932 in Putney Heath, hüüd London) weer en engelsch Mediziner. Sien gröttste Spood weer dat Opdecken vun den Infektschoonsweg vun de Malaria dör Müggen un de Identifizeeren vun de Malariamügg . Dorför kreeg he 1902 den Nobelpries för Physiologie oder Medizin.


Leven un Wark[ännern | Bornkood ännern]

An‘ 13. Mai 1857 wurr Ross as Söhn vun den engelschen General C. C. G. Ross in Almora in Indien boren. 1875 fung he sien Medizinstudium an dat St. Bartholomew's Hospital in London an.

Dat Hööftinteresse vun Ronald Ross weer dat Opdecken vun Präventschoonsmögelkeiten gegen de Tropenkrankheit Malaria in verscheeden Deelen up de Eer. Mit disse Arbeiten fung he 1892 an, nahdem he all 1881 den Indian Medical Service bitreden weer. 1894 entwickel he en Experiment, um de Hypothese vun sien Kollegen Alphonse Laveran un Patrick Manson to bestätigen, dat Malaria vn Moskitos överdragen wurr. Nah tweeenhalf Johr ahn Ergebnisse kunn he den Levenszyklus vun de Malariaerreger in de Mügg nahwiesen. 1897 kunn he de Müggengattung Anopheles as Överdrager vun de Krankheit identifizeeren.

För sien wiedere Opdeckensarbeiten is he an de ünnerscheedlichst Öörd reist, dorünner Westafrika, de Region um den Sueskanal, Grekenland, Mauritius, Zypern un an de Kriegsschauplatzen vun den Eersten Weltkrieges van 1914 bit 1918. He hett völ Opdecken över de Epidemiologie vun de Malaria un över de Mögelkeiten vun den Schuul un Pleeg makt. Buterdem entwickel he ut sien Beobachtungen en mathematisch Modell to dat Studium vun de Verbreeden vun de Malaria. Disse as Pathometrie bekannt wurrn Modelle sünd noch hüüd de Basis för dat Verständnis vun Epidemien, de vun Insekten utgaht. Sien Arbeiten hebbt hüm neben de Nobelpries noch völ wiedere Ehrungen inbrocht.

1899 wessel he an de Liverpool School of Tropical Medicine ünner de Leitung vun Sir Alfred Jones. He hett sien Arbeit an dat Institut mit en Reis nah Westafrika anfungen.

Van 1902 bit 1912 hett he den Posten as Perfesser för Tropenmedizin an de School of Tropical Medicine besett, de to Ehren vun den Leiter Sir Alfred Jones schaffen wurr.

Van 1912 bit 1917 wark Ross as Perfesser för Tropische Erkrankungen an dat King's College in London un besett togliek ok de Positschoon as Perfesser för Tropische Krankenpleeg in Liverpool. 1917 wurr he Berader för Malariaerkrankungen vun dat Kriegsbüro. 1926 kreeg Ross den Posten as Generaldirekter vun dat Ross Institute and Hospital of Tropical Diseases and Hygiene.

An‘ 16. September 1932 is he nah lang Krankheit in dat Ross Institute in Putney Heath storven.

Ronald Ross hett 1889 Rosa Bessie Bloxam heiraadt, de 1931 een Johr vör hüm storven is. Se harrn twee Söhns un twee Döchter.

Ehrungen[ännern | Bornkood ännern]

1902 kreeg he den Nobelpreis för Physiologie oderMedizin “ für seine Arbeit über Malaria, mit der er gezeigt, wie die Krankheit in den Körper eindringt und dabei die Grundlage legte für eine erfolgreiche Erforschung dieser Krankheit und ihrer Bekämpfung.“ 1902 wurr Ross buterdem in den Most Honourable Order of the Bath upnommen.

1909 wurr Ross mit de Royal Medal vun de Royal Society uttekent. 1911 wurr he to’n Ridder vun den Bathoorden un drüff siet dem den Titel Sir Ronald Ross dragen.

Weblenken[ännern | Bornkood ännern]

Ronald Ross. Mehr Biller, Videos oder Audiodateien to’t Thema gifft dat bi Wikimedia Commons.