Roberto Hilbert
Roberto Hilbert (* 16. Oktober 1984 in Forchheim) is een düütsche Footballspeler.
In sien Jöögd hett he för SpVgg Jahn Forchheim, den 1. FC Nürnberg un die SpVgg Greuther Fürth speelt. 2002 is he in de Bayernliga wesselt, to'n 1. SC Feucht. Mit disse Vereen is he denn in de Regionalliga upstegen. In de Regionalliga weer he denn so good, dat hüm de Fürthers weer torüchholt hebbt. Een Johr later hett he denn bi VfB Stuttgart anhüürt. Glieks in sien eerst Bundsliga-Johr, wurr he mit de Stuttgarters Meester. För Stuttgart hett he 120 Bundsligaspelen makt un dorbi 16 Doren schaaten.
An' 27. April 2010 hebbt de VfB Stuttgart un Hilbert de Trennung to dat Saisonenn' 2009/2010 bekannt geven. To de Saison 2010/11 wessel Hilbert, ahn Aflöös to de törksch Traditionsclub Beşiktaş Istanbul. He hett dor en Verdrag över 3 Johr ünnerschreven.
He harr ok all 12 U-21 Länderspelen bestreden, aber 2007 hett hüm Bundestrainer Joachim Löw ok eerstmalig in die Nationalmannschap insett in een Speel tegen Däänmark. Hilbert speelt meestens in't Middelfeld. Insgesamt hett he bit jetzt (2010) 8 Lännerspelen makt.
