Robert Lee Gibson

Vun Wikipedia
Robert "Hoot" Gibson

Robert Lee Gibson (* 30. Oktober 1946 in Cooperstown, New York) is en ehmalger US-amerikaansch Astronaut. Sien Ökelnaam is Hoot.

Gibson kreeg 1969 einen Bachelor in Luftfohrttechnik vun de California Polytechnic State University.

1969 is Gibson in de United States Navy intreeden. Nah sien Utbillen to'n Marinefleger weer he tüschen 1972 un 1975 up de Floogtüüchdräger USS Coral Sea un USS Enterprise statschoniert. Vun dor floog he Kampinsatzen över Südostasien. He hett ok de Marineflegerschool Topgun afslooten. Nah sien Rückkehr in de USA weer he F-14-Pilotenutbilder. In' Juni 1977 kunn he sien Utbillen to'n Testpiloten spoodriek afsluuten un hett dornah dat F-14-Kampfloogtüüch up dat Naval Air Test Center test.

Astronautentätigkeit[ännern | Bornkood ännern]

In’ Januar 1978 wurrr Gibson vun de NASA as Astronautenanwärter utwählt. Van Dezember 1992 bit September 1994 weer he Baas vun dat Astronautenbüro un van März bit November 1996 stellvertreden Direkter vun dat Flight Crew Operations Directorate, dat över de Mannschapstosommensetten vun Ruumflüüg entscheeden deiht.

STS-41-B[ännern | Bornkood ännern]

An’ 3. Februar 1984 is Gibson as Pilot vun de Ruumfähre Challenger to sien eerst Mission in’t All ünner dat Kommando vun Vance DeVoe Brand start. STS-41-B weer de eerste Floog vun en Space Shuttle, bi de sowohl Start as ok de Landung up dat Kennedy-Space-Center stattfunn. En Hööchtpunkt vun disse Mission weer de eerste free Weltruumutstieg. Dorbi hemm de beid Missionsspezialisten Bruce McCandless un Robert Stewart Manned Maneuvering Units bruukt un weern vullkommen unafhängig vun dat Shuttle.

As Ladung harr dat Shuttle de beid Satelliten WESTAR-VI un PALAPA-B2 an Bord. Wegen dat Verseggen vun dat Payload Assist Module-D (PAM-D) keemen de aber blots in en to leeg Umloopbahn.

STS-61-C[ännern | Bornkood ännern]

An’ 12. Januar 1986 weer Gibson bi sien tweeten Floog eerstmals Kommandant vun de Ruumfähre Columbia. Sien Pilot weer ditmal Charles Frank Bolden und die Missionsspezialisten Franklin Chang-Diaz, Steve Hawley un Pinky Nelson. Dorto keemen de Bruuklastspzialisten Robert Cenker vun de Firma RCA Electronics un de Politiker Bill Nelson. Hööftteel vun de Mission weer dat Utsetten vun den Kommunikatschonssatelliten SATCOM Ku-1. Dorneben hett man noch tallriek lüttgere astrophysikalische un materialwetenschaplich Experimente dörführt.

STS-27[ännern | Bornkood ännern]

Mit de Ruumfähre Atlantis is Gibson an' 2. Dezember 1988 to de Mission STS-27 start. Pilot bi dissen Floog weer Guy Spence Gardner. Dorto keemen de Missionsspezialisten William McMichael Shepherd, Richard Michael Mullane un Jerry Lynn Ross. Hööftteel vun disse Mission weer dat Utsetten vun den militärischen Upklärungssatelliten Lacrosse 1.

STS-47[ännern | Bornkood ännern]

An’ 12. September 1992 is Gibson mit de Ruumfähre Endeavour to de teihnte un letzte Spacelab-Mission in’t All flaagen. An Bord wurrn 43 Experimente vun verscheeden Oord dörführt. Bispeelswies wurr ünnersöcht, of Hornissen ünner de Bedingen vun de Swoorlosigkeit Waben bauen kunn. Dat Ergevnis weer negativ. Mit Mamoru Mōri weer ok de eerste japaansch Ruumfohrer as Bruuklastspezialist mit an Bord. As Pilot weer ditmal Curt Brown dorbi. Dorto keemen de Missionsspezialisten Mark Lee, Jan Davis, Jerome Apt un Mae Jemison.

Wegen eenig technisch Probleme to Anfang vun de Mission un utrecken Energiereserven wurr de Mission um een Dag verlängert un gung an’ 20. September mit en Lannen an dat Kennedy Space Center to Enn’.

STS-71[ännern | Bornkood ännern]

Gibson leggt sien Ruumantoog för de Mission STS-71 an

An’ 27. Juni 1995 kommandeer Gibson sien letzte un togliek 100. Mission vun en bemannt Ruumfohrtüüch vun de USA. Sien Pilot weer ditmal Charles Joseph Precourt un de Missionsspezialisten Ellen Baker, Bonnie Dunbar un Gregory Jordan Harbaugh, de all jewiels all mindst een Ruumfloog vördem maakt harrn.

Hööftgaav weer de eerste Kopplung wiels den darten Floog binnerhalv vun dat Shuttle-Mir-Programm tüschen de Ruumfähre Atlantis un de Ruumstatschoon Mir. Dorto weern ok de beid russisch Kosmonauten Anatoli Jakowlewitsch Solowjow un Nikolai Michailowitsch Budarin (de as eenzig noch ahn Insatz bit dorhen]] up den Henfloog mit an Bord. De beid sünd an Bord vun de Ruumstatschoon bleven, wiels de bitherig Stammcrew vun de Mir Wladimir Nikolajewitsch Deschurow, Gennadi Michailowitsch Strekalow un de Amerikaner Norman Earl Thagard weer mit to de Eer torüchkehren dee. Dormit weern bi den Start 7 Ruumfohrer an Bord und as se torüchkeemen sogor 8.

Dorneben wurrn in dat Spacelab-Modul verscheeden medizinische Experimente to dat Utforschen vun de Utwirkung vun de Swoorlosigkeit up dat Blootsystem, Knaken un de Lung vun de Minschen dörführt.

Nah de NASA[ännern | Bornkood ännern]

In’ November 1996 hett Gibson de NASA verlaaten un wurr Pilot bi Southwest Airlines. 2006 wurr Gibson vun de FAA dwangswies in den Ruhestand schickt. Gibson hett sück in de Apenlichkeit gegen de Bundsvörschriften to dat Hööchstöller vun 60 Johren för Linienpiloten utspraken.[1]

In’ Dezember 2006 wurr he Chief Operating Officer un Chef-Testpilot bi de Benson Space Company.

Privates[ännern | Bornkood ännern]

He is mit de ehmalige Astronautin Margaret Rhea Seddon verheiraadt. Tosommen hemm se dree Kinner un he hett noch een Kind ut en vörmalge Ehe. 1987 hett he gemeensam mit George Nelson un Brewster Shaw de Astronautenband Max Q grünnd. 2007 nehm he an de Reno Air Races deel.

Ehrungen[ännern | Bornkood ännern]

Enkeld Nahwiesen[ännern | Bornkood ännern]

  1. Lubbock Avalanche-Journal: [1] 'Hoot' challenges mandatory retirement] van’ 30. Oktober 2006, afropen an’ 12. September 2015 Zitat:Gibson, commander of four of the five space shuttle missions he flew, said the retirement policy is age discrimination.

Weblenken[ännern | Bornkood ännern]

Robert L. Gibson. Mehr Biller, Videos oder Audiodateien to’t Thema gifft dat bi Wikimedia Commons.