Ringkøbing

Vun Wikipedia
Wesseln na: Navigatschoon, Söök
Kark vun Ringkøbing

Ringkøbing is ene Stadt in Däänmark un Seet vun de Amtskommun Ringkjøbing. Se liggt an’e Ringkøbingföör in de Neeg vun de Noordsee. Ringkøbing is Seet vun de Kommun Ringkøbing.

Archäoloogsche Funnen düüd dorop hen, dat de Stadt in’t 13. Johrhunnert opkeem. Ringkøbing weer in disse Tiet dör de Laag an’e Föör de eenzige bruukbore Haven an de däänsche Noordseeküst. Dat Stadtrecht is vun 1443.

Siet dat 17. Johrhunnert is de Infohrt in’e Ringkøbingföör dör Wind un Seeströöm na Süden wannert un de Stadt hett ehr Bedüden as Haven verloren. Eerst as de Kanal vun Hvide Sande boot worrn is, weer de Föör wedder seker mit de See verbunnen.

In’t Zentrum vun Ringkøbing finnt sik vele nette ole Gaten, de vun’n Marktplatz ut to’n groten Deel Richt Water föhrt.

Schöön is de Kark ut dat 14. Johrhunnert. De Karktoorn is baven breder as nerrn. De Kark hett en Altarbild vun Arne Haugen Sørensen un ene Orgel ut dat 17. Johrhunnert.

Weblenken[ännern | Bornkood ännern]