Riensföör
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 21680 | |
| Vörwahl: | 04141 | |
| Geograafsche Laag: | Koordinaten:53° 35′ N, 9° 28′ O53° 35′ N, 9° 28′ O | |
|
| ||
Riensföör (hoochdüütsch Riensförde) is en Oort in de Gemeen Stood in’n Landkreis Stood, Neddersassen.
Geografie[ännern | Bornkood ännern]
Riensföör liggt op de Geest so bi twee Kilometer weg von de Swing. In’n Süüdwesten liggt de Barger Heid.
De Naveröörd sünd Stood in’n Noorden, Ottenbeek in’n Oosten, Hagen in’n Süüdwesten un Groot Thun un Barg in’n Westen.
Historie[ännern | Bornkood ännern]
To de öllsten Funnen in dat Rebeed von Riensföör höört en Grafffeld ut de Sassentied, dat villicht to de Wallanloog von de Swedenschanz tohöört hett.
Op’n Richtplatz bi Riensföör is 1856 de letzte Hinrichtung in de Ümgegend von Stood wesen.
Bi Riensföör hebbt se denn von 1934 af an den Flegerhorst Stood boot. Dat weer denn ok de Grund, dat Riensföör an’n 15. August 1935 Deel von de Gemeen Stood worrn is.
Vondaag is de Stadt Stood bet dicht an Riensföör ranwussen, hett den Oort aver noch nich sluukt. Dat is aver plaant, bi Riensföör en groot Rebeed för ne’e Hüüs uttowiesen[1].
Verwaltungsgeschicht[ännern | Bornkood ännern]
In de Franzosentied von 1810 bet 1814 hett de Oort to de Mairie Stood in’n Kanton Stood höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort stünn vör 1846 ünner de Gerichtsborkeit un de Verwaltung von de Stadt Stood. To’n 1. März 1846 hett dat Amt Stood-Gothenborg Gerichtsborkeit un Verwaltung övernahmen[2] un Riensföör hett denn to de Gemeen Barg tohöört. 1859 is dat Amt Stood-Gothenborg oplööst un Deel von dat Amt Himmelpoorten worrn. Na 1885 weer de Oort in’n Kreis Stood, de 1932 mit de Kreise Jörk un Keden to’n ne’en Kreis Stood tohoopgahn is.
De Gemeen Barg is an’n 15. August 1935 Deel von de Stadt Stood worrn.
Inwahnertall[ännern | Bornkood ännern]
| Johr | Inwahners |
|---|---|
| 1791[3] | 3 Füürsteden |
| 1824[4] | 7 Füürsteden |
| 1848[5] | 43 Lüüd, 7 Hüüs |
| 1. Dezember 1871[6] | 42 Lüüd, 7 Hüüs |
| 1. Dezember 1885[7] | 50 Lüüd, 6 Hüüs |
| 1. Dezember 1905[8] | 40 Lüüd, 5 Hüüs |
Tosätzlich harrn sik 1905 ok noch Lüüd bi Riensföör op Stoder Rebeed ansiedelt. In düsse Siedlung, de vör Riensföör heten hett, hebbt in twölv Hüüs üm un bi 60 Lüüd leevt.[8]
Religion[ännern | Bornkood ännern]
Riensföör is evangeelsch-luthersch präägt un höört bi dat Kaspel von de Johannis-Kark. Bevör de Johannis-Kark 1956 trech worrn is, hett de Oort to dat Kaspel von de Wilhadi-Kark in de Binnenstadt von Stood höört.
För de Kathoolschen is de Hillig-Geist-Kark in Stood tostännig.
Infrastruktur[ännern | Bornkood ännern]
Verkehr[ännern | Bornkood ännern]
Riensföör liggt an de Landsstraat 124, de in’n Noorden na Stood rin un an de Bundsstraat 73 ran löppt. In’n Süden geiht de Straat na Harsfeld to. Ans gifft dat noch lüttjere Straten na Groot Thun un Barg.
De nächste Bahnhoff is de Bahnhoff Stood an de Nedderelvbahn, de so bi dree Kilometer weg is.
Footnoten[ännern | Bornkood ännern]
- ↑ http://www.stadt-stade.info/bauen--stadtentwicklung/stadt--und-bauleitplanung/stadtteilentwicklung-riensfoerde/mid_38742.html
- ↑ Christian H. Ebhardt: Gesetze, Verordnungen und Ausschreiben für das Königreich Hannover. Jänecke, 1851, Sied 157
- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 191
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 510
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 139
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 141
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 150
- ↑ a b Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 158