Riders of Destiny
| Filmdaten | |
|---|---|
| Plattdüütsch Titel: | — |
| Originaltitel: | Riders of Destiny |
| Düütsch Titel: | Die Wasserrechte von Lost Creek |
| Produkschoonsland: | USA |
| Johr vun’t Rutkamen: | 1933 |
| Läng: | 53 Minuten |
| Originalspraak: | Engelsch |
| Filmkru | |
| Speelbaas: | Robert N. Bradbury |
| Dreihbook: | Robert N. Bradbury |
| Produkschoon: | Paul Malvern |
| Musik: | William Barber |
| Kamera: | Archie Stout |
| Snitt: | Carl Pierson |
| Dorstellers | |
| |
Riders of Destiny (op platt so veel as „De Schicksalsrieders“; dt. Titel: Die Wasserrechte von Lost Creek oder Reiter der Gerechtigkeit) is de Titel vun en US-amerikaanschen B-Western ut dat Johr 1933 mit John Wayne in de Hööftrull vun en singen Revolverhelden. De Film is an verscheden Öörd in’n US-Bundsstaat Kalifornien dreiht worrn[1]. De Premiere weer an’n 10. Oktober 1933 in de USA[2].
Inholt[ännern | Bornkood ännern]
Sandy Saunders dröpt in de Wildnis op Sheriff Baxter un reddt em dat Leven, vunwegen dat he anschaten un swoor besehrt is. ’N beten later warrt he Tüüg, as de Postkutsch överfallen warrt. Dat Peerd vun den Rover warrt dorbi dootschaten. Unvermodes stellt sik de Rover as de junge Buersdochter Fay Denton rut, de vertellt, dat se op disse Wies blots dat Geld seker stellen wull, dat ehr un ehrn Vadder tosteiht – neemlich vördem de Bande üm James Kincaid dat Geld in en vörtüüschten Överfall in de Finger kriggt. Saunders hülpt ehr uttoneihn un dröpt ehr later in de Stadt, woneem de rieke Koopmann un Landbesitter Kincaid in Afwesenheit vun’n Sheriff dat Regeer övernahmen hett.
Op Denton sien Farm kummt Saunders ünner un warrt hier wies, wat Kincaid sien Plaan is: he will de Lännereen vun all de Farmers in de Stadt för en Appel un’n Ei opköpen. Op Kincaid sien Land neemlich verswinnt de Lost Creek (op platt „de verloren Beek“) in de Eer. Dat olle Bett vun den Beek is utdröögt. So is Kincaid de eenzige, de de Stadt mit Water versorgen kann. Un dit Monopool nüüt he as Druckmiddel gegen de Inwahners. Alleen Denton sien Farm is unafhangig, vunwegen dat se en egen Brunnen hett. As Kincaid sien Verdrag mit de Inwahners över de Waterversorgen utlopen deit, sett he för den ne’en Verdrag den Pries op de Veerfacke hooch. Man, Saunders hülpt de Lüüd, sik över den Brunnen vun Denton sien Farm to versorgen. Kincaid sett dorophen den Opdragsmöörder Slip Morgan op Saunders an, de em gau to’n Duell opfeddert. Saunders hett aver keen Möh, dat to överstahn. Gau kummt den frömmen Saunders en go’e Idee. He gifft de Farmers dan Raat, Kincaid sien ne’en Verdrag antonehmen, wenn se em dorto bringen künnt, vörher en Tosatzklausel in den Verdrag to schrieven: Schüll Kincaid een Dag nich in de Laag wesen, de Stadt mit Water to versorgen, fallt all sien Land mitsams de Waterrechten an de Farmers.
Saunders deit in de Twüschentiet so, as wenn he op en Anbott vun Kincaid ingahn wull, för em to arbeiten. Üm de Buern to’n Verköpen to dwingen, sleiht he vör, den Brunnen op Denton sien Ranch in de Luft to sprengen. Man, den Brunnen to sprengen föhrt dorto, dat de Lost Creek wedder torüch an de Böverflach leddt warrt, un dat olle Beekbett nu wedder Water föhren deit. Kincaid sien Born dorgegen dröögt ut. So kann he keen Water mehr levern und verlütt – wegen sien ne’en Verdrag – all sien Land un de Waterrechten. As opletzt ok noch rutkummt, dat Kincaid Order to den Anslag op Sheriff Baxter geven hett, mutt he weglopen. Saunders dorgegen wiest sik as US-Marschall ut, de vun Washington schickt worrn is. He neiht em achterran un schütt em doot. An’n Sluss maakt Saunders künnig, dat he bi Fay blieven will un gifft ehr ’n Söten.
Weblenken[ännern | Bornkood ännern]
- Riders of Destiny in de Internet Movie Database (engelsch)
- De Film free to’n Daalladen in’t Internet Archive