Ribeira Grande de Santiago

Vun Wikipedia
Laag vun’n Concelho Ribeira Grande de Santiago in Kap Verde

Ribeira Grande de Santiago is en Verwaltensrebeet (Concelho) vun de Republiek Kap Verde. De Distrikt liggt in’n Süüdwesten vun’t Hööfteiland Santiago. Dat Rebbet ümfaat de twee Karkengemenen Santíssimo Nome de Jesus un São João Baptista.

Historie[ännern | Bornkood ännern]

Fort Real São Filipe, Ribeira Grande

De Concelho is 2005 vun dat Rebeet vun’n Distrikt Praia rutlöst un as ne’en Distrikt inricht worrn. De Naam Ribeira Grande kummt vun’t Portugeesche un bedüüt „Groot Stroom“. Dat speelt op den Oort Cidade Velha (port.: „Oolt Stadt“) an, de fröher den Naam Ribeira Grande harr, wieldat se nipp un nau an de Münn vun en groot Stroombett anleggt worrn is. Disse Stadt weer de eerste Wahnsteed op de Kapverdschen Eilannen, grünnt in’t 16. Johrhunnert. Över lange Tiet weer dat ok de Hööftstadt vun Kap Verde, man de Bedüden güng mit de Tiet torüch un so is Praia de ne’e Hööftstadt worrn. Cidade Velha is ok de Sitt vun de Verwalten.

De Haven vun Cidade Velha hett en grote Rull speelt. Hier hebbt lange Tiet de portugeeschen Scheep anleggt, de Slaven twüschen Afrika, Süüdamerika un Europa transporteert hebbt. De histoorsch Stadtkarn hett de Tieten överduert un wiest vundaag en Tall Ruinen un erhollen Hüüs op, de as Denkmolen ünner Schuul staht.