Reurmond

Vun Wikipedia
Wesseln na: Navigatschoon, Söök

Reurmond is ene Festenstadt in de Gemeen Reurmond in de Provinz Limborg in de Nedderlannen. De Stadt harr 2008 circa 45 000 Inwahners. In Reurmond staht de Sint-Christoffelkathedraal, wat ene Hallenkark is. De Mönsterkark is ene romaansche Basilika, de in't 13. Johrhunnert boot warr. De Rattentoorn is ut dat 14. Johrhunnert. Ene nu reformeerde Kark warr 1400 boot. De Caroluskapell is ene Kapell vun dat ehemaalsche Kartäuserklooster. De Bo vun de Kapell begunn 1398. Se hett ene Robustelly-Orgel vun 1760/1763. To de Stadt höört ook dat Villenveerdel Roer. Een Oort in de Gemeen is Herten. De Bischop vun Reurmond weer F.J.M. Wiertz. Reurmond is ene toursitische Stadt mit Industrie. De Stadt liggt an den Pieterpad un is een Wallfahrtsoort. In Reurmond is de Kriminalitäät hooch. De Stadt hett dat Stedelijk Museum Roermond in't vörmaalsche Wohnhuus vun den Architekten Pierre Cuypers. In't Zentrum vun Reurmond befinnt sick de lütte Kintopp Royal/Royaline. Vun den Bohnhoff gifft dat Verbinnen nah Maastricht un Heerlen, Eindhoven-Utrecht-Amsterdam un Venlo-Nimwaege. Dat gifft Plonen, den Intercity nah Heerlen bet Aken in Düütschland antoslüüten un enen tweeden Bohnhoff to boen. In Reurmond is een Designer Outlet Center vun McArthurGlen.

Historie[ännern | Bornkood ännern]

Se weer in't Medelöller Liddmaat vun de Hanse. Se weer ene vun de Hööftstäder vun't Hartogdoom Geldern. Se weer in den Hannel de gröttste vun disse Hööftstäder. De Vörwahl is 0475. Reurmond kreeg 1231 vun Graaf Otto II. de Stadtrechten. 1559 warr Reurmond de Seet vun een Bischop. Willem van Oranje hett de Stadt 1572 innehmen. Siet 1579 weer de Stadt, mit Utnahm vun 1632 bet 1637, wo Reurmond to de Generalitäätslanden höörde, in Spaansch Geldern. Ook vun 1702 bet 1716 weer Reurmond in de Verenigde Nedderlannen. 1814 warr Reurmond ene Stadt in Limborg. Vun 1830 bet 1839 weer de Stadt ünner belgische Herrschop. De Stadt weer bit to'n Anfang vun't 20. Johrhunnert de tweede Stadt vun Nedderlannsch Limborg. Nah den Tweeden Weltorlog kehm de Textilindustrie nah Reurmond (ünner anneren Van de Kimmenade).

Weblenken[ännern | Bornkood ännern]

Reurmond