Ratmir Dmitrijewitsch Cholmow

Vun Wikipedia
Wesseln na: Navigatschoon, Söök

Ratmir Dmitrijewitsch Cholmow (russisch: Ратмир Дмитриевич Холмов), * 13. Mai 1925 in Schenkursk; † 18. Februar 2006 in Moskau) weer en russisch-sowjeetsch Schachspeler.

Leven[ännern | Bornkood ännern]

Ratmir Cholmow hett mit 12 Johren Schach spelen lernt un weer mit 14 Johren all Meester vun Archangelsk. In sien Jöögd weer he Matrose vun de sowjeetsch Hannelsflotte. Tüschen 1949 un 1961 wunn he mehrmals de Meesterschap vun Litauen. 1954 wurr he Internatschonaler Meester, 1960 Grootmeester.[1] 1967 leet he sück in Moskau daal un speel dor völ Johren lang för Spartak Moskau. Tüschen 1948 un 1972 nehm he an sössteihn Landsmeesterschapen vun de UdSSR deel, sien best Ergevnis reck he dorbi mit en deelten eersten Platz 1963 in Leningrad. He hett ok eenig Turniere in't Utland bestreeden, allerdings blots in sozialistischen Länner un wunn ünner annern in Kecskemét 1962, Havanna 1968 un Budapest 1976. He weer bit in't hooch Öller schachlich aktiv, wiel he vun sien lütt staatlich Rente nich leven kunn.

1982 hett he en Autobiografie mit 63 kommenteert Partien in russisch Spraak rutgeven. Sien bekanntest Gewinnpartie speel he Havanna 1965 gegen Bobby Fischer. En vun Cholmow sülvst överleefert Anekdote is, dat he sück as den „eegentlichen Weltmeester“ 1954 ansehn dee, denn vör Beginn vun den WM-Kampf tüschen Michail Botwinnik un Wassili Smyslow hebbt de beid Kontrahenten jeweils geheim Trainingswettkämpe mit Cholmow speelt un Cholmow hett beid wunnen.

Sien best Historsch Elo-Tall weer 2736 in' März 1961, dormit leeg he up Platz 8 vun de Weltranglist.

Partiebispeel[ännern | Bornkood ännern]

Chess zhor 22.png
Chess zver 22.png
Chess rdl44.png Chess d44.png Chess bdl44.png Chess d44.png Chess l44.png Chess rdd44.png Chess l44.png Chess kdd44.png
Chess d44.png Chess l44.png Chess d44.png Chess l44.png Chess qdd44.png Chess pdl44.png Chess d44.png Chess pdl44.png
Chess pdl44.png Chess d44.png Chess l44.png Chess pdd44.png Chess pdl44.png Chess bdd44.png Chess l44.png Chess qld44.png
Chess d44.png Chess l44.png Chess d44.png Chess l44.png Chess ndd44.png Chess pll44.png Chess d44.png Chess l44.png
Chess l44.png Chess pdd44.png Chess l44.png Chess nld44.png Chess pll44.png Chess d44.png Chess l44.png Chess d44.png
Chess d44.png Chess l44.png Chess nld44.png Chess l44.png Chess d44.png Chess l44.png Chess d44.png Chess l44.png
Chess pll44.png Chess pld44.png Chess pll44.png Chess d44.png Chess l44.png Chess d44.png Chess l44.png Chess pld44.png
Chess d44.png Chess l44.png Chess kld44.png Chess rll44.png Chess d44.png Chess bll44.png Chess rld44.png Chess l44.png
Chess zver 22.png
Chess zhor 22.png
Stellung nah 17... De7

En Glanzpartie wunn Cholmow bi de 32. UdSSR-Meesterschap in Kiew 1964 gegen David Bronstein. Dat Springeropper in' 18. Toog wurrd vun den engelschen Grootmeester John Emms in sien Book The most amazing chess moves of all time up Platz 4 führt.

Cholmow - Bronstein

1. e4 c5 2. Sf3 Sf6 3. Sc3 d6 4. d4 cxd4 5. Sxd4 a6 6. Lg5 e6 7. f4 Le7 8. Df3 Dc7 9. O-O-O Sbd7 10. g4 b5 11. Lxf6 gxf6 12. f5 Se5 13. Dh3 O-O 14. g5 b4 15. gxf6 Lxf6 16. Tg1+ Kh8 17. Dh6 De7 18. Sc6 Sxc6 19. e5 Lg5+ Ok nah dat betere 19... Lxe5 20. f6 Lxf6 21. Ld3 Lg5+ 22. Txg5 f6 23. Tg3 nebst Tdg1 hett Witt entscheeden Angreep 20. Txg5 f6 21. exd6 Df7 22. Tg3 bxc3 23. Lc4 cxb2+ 24. Kb1 Sd8 25. Tdg1 Ta7 26. d7 Txd7 27. fxe6 Sxe6 28. Lxe6 Td1+ 29. Txd1 Lxe6 30. Kxb2 Tb8+ 31. Ka1 Lxa2 32. Tgd3 De7 33. Kxa2 De6+ 34. Tb3 1-0

Enkeld Nahwiesen[ännern | Bornkood ännern]

  1. Willy Iclicki: FIDE Golden book 1924-2002. Euroadria, Slovenia, 2002, S. 75

Literatur[ännern | Bornkood ännern]

Weblenken[ännern | Bornkood ännern]