Rasenkraftsport

Vun Wikipedia

De Rasenkraftsport sett sik ut de dree Disziplinen Hamerworp, Gewichtworp un Steenstöten tosamen.[1]

De Reedschoppen sünd dorbi ünnerscheedlich swoor. Dat is afhangig vun de Öllersgruppen, de in ünnerscheedliche Gewichtsklassen indeelt sünd. Op disse Wies warrt lichtere Athleten nich benadeeligt un künnt ok Meesterschoppen un Rekorden winnen. Dorto kummt en Mannschopsweertung, de jümmers een Athlet ut jede Gewichtsklass vun en Öllersgrupp tosamenfaat.

De eersten Düütschen Meesterschoppen inn Rasenkraftsport hebbt 1913 in Kassel stattfunnen.[2] Siet 2001 gifft dat in de Sportoort ok Eurpomeesterschoppen, de all twee Johren afhollen warrt. De eersten weern in München.

In’t Johr 2005 is för de Bundsligaweertung vun de Mannslüüd en Relativweertung inföhrt worrn. Anners as bi de Dreekampweertung, de vörher begäng weer, warrt hier de Dreekampleistung vun en Athlet noch dör sien Liefgewicht deelt, dat he vör den Wettkamp harr. En Mannschop sett sik dorbi ut veer Lüüd tohopen.

Borns[ännern | Bornkood ännern]

  1. Websteed vun’n Düütschen Rasenkraftsport- un Tautreck-Verband
  2. Histoorsche Entwicklung op de Siet vun’n TSV Deggendorf

Weblenken[ännern | Bornkood ännern]