Randy Brooks

Vun Wikipedia
Wesseln na: Navigatschoon, Söök

Randy Brooks (* 15. März 1919 in Sanford, Maine; † 21. März 1967 ok dor) weer een US-amerikaansch Jazz-Trumpeeter un Baas vun en Swing-Bigband.

Randy Brooks fung in dat Öller vun acht Johren mit dat Trompetenspeel an, um mit sien Öllern för de Heilsarmee to spelen. Mit twalf Johren wunn he en Wettbewerb för Nachwuchstrompeter, mit veerteih tour he all mit Rudy Vallee. Nah den Highschool-Afsluss 1937 truck he nah New York City, um as Musiker to arbeiten. He speel bi Claude Thornhill, Bob Allen, Art Jarrett un Les Brown, bevör he 1944 sien eegen Band grünnen dee. De Komponist John Benson Brooks (mit de he nich verwandt is) droog Arrangements för dat Ensemble bi; to de Hööftsolisten hörrn de Vibraphonist Shorty Allen un de Saxophonist Eddie Kane. 1946 speel ok de jung Stan Getz in dat Orchester. Hiterfolge weern Titel as „Tenderly“, „Harlem Nocturne“ un „The Man With the Horn“ för Decca Records. 1947 wurr dat Orchester in’ Down Beat as en vun de besten landsswiet herutstellt. De Spood vun de Band leet aber bald - mit dat Enn’ vun de groot Swingbands – nah. Brooks hett 1949 en anner Bandleaderin, Ina Ray Hutton, heiraadt un truck mit hör nah Los Angeles. 1950 hett he aber en Slaganfall kregen, wat sien musikalisch Karriere beend hett. 1957 is sien he mit Hutton weer schett wurrn. He is 1967 bi en Huusbrand in Maine, wo he mit sien Moder leev, to Dood kommen.

Literatur[ännern | Bornkood ännern]

Weblenken[ännern | Bornkood ännern]