Rainbirds

Vun Wikipedia
Wesseln na: Navigatschoon, Söök
De Rainbirds in de 1990er Johren

De Rainbirds weern en düütsche Pop-/Rockgrupp üm de Singersche Katharina Franck.

Historie[ännern | Bornkood ännern]

De Grupp is 1986 grünnt worrn. Ehrn Naam hett se vun en Instrumentaltitel vun Tom Waits kregen. Noch unbekannt nebbt se bi den Rockwettstriet vun’n Berliner Senat wunnen un kregen dorna en Verdrag vun de Schallplatenfirma Mercury. Dat eerste Studio-Album Rainbirds weer vun Udo Arndt produzeert un harr groten Spood. De Single Blueprint is Anfang 1988 europawiet to’n Hit worrn. De eerste Besetten vun de Grupp weer dormols Katharina Franck (Singersche un Gitarr), Michael Beckmann (Bass) un Wolfgang Glum (Slagtüüch). In’n Rahmen vun en Tournee is denn noch de GItarrspeler Rodrigo González dortokamen, de later Liddmaat bi de Gruppen Die Ärzte un Abwärts wesen is.

Dat tweete Album Call Me Easy, Say I’m Strong, Love Me My Way, It Ain’t Wrong is in’t Fröhjohr 1989 rutkamen. Dorto harr de Fotograaf un Videospeelbaas Anton Corbijn en Musik-Clip dreiht. Corbijn, de dör sien Fotos vun Depeche Mode un U2 bekannt worrn is, is in de Johren dorna Huusfotograaf vun de Rainbirds worrn.

Na dat tweete Album geev dat ünnerscheedlcihe Ansichten binnnen de Grupp, wat de tokamen Musikricht angüng. Beckmann, Glum un González wulln geern rockigere Musik maken un hebbt opletzt de Grupp verlaten. Franck hett sik en ne’e Partnersche söcht, un bill denn mit de Pianistin Ulrike Haage en Duo. In disse Tosamensetten sünd d beiden nächsten Platen Two Faces (1991) un In a Different Light (1993) publizeert worrn.

1994 is de Slagtüüch-Speler Tim Lorenz as drütt Liddmaat dorto kamen. 1996 keem dat nächste Album Making Memory rut, dat Johr dorop dat Album Forever. As opstunns letzte Plaat keem 1999 dat Live-Album 3000.live rut.

Franck harr al 1997 ehr Spoken-Word-Album Hunger publizeert un bröch 2002 de CD Zeitlupenkino rut. Ok Haage hett 2004 en Solo-Album rutbröcht. Lorenz bedrifft in Berlin en Toonstudio.

Diskografie[ännern | Bornkood ännern]

Singles[ännern | Bornkood ännern]

  • 1987 – Blueprint
  • 1988 – Boy on the Beach
  • 1989 – Sea of Time
  • 1989 – Not Exactly
  • 1989 – Love Is a Better Word (White City of Light)
  • 1991 – Two Faces
  • 1993 – Devils Dance
  • 1993 – Jamais Jamais
  • 1995 – Blueprint (New Mix)
  • 1996 – Absolutely Free
  • 1996 – Give Me a Kiss
  • 1997 – Don’t Cry a River for Me (Be Cool)
  • 1997 – Shoot from the Hip

Alben[ännern | Bornkood ännern]

  • 1987 – Rainbirds
  • 1989 – Call Me Easy, Say I’m Strong, Love Me My Way, It Ain’t Wrong
  • 1991 – Two Faces
  • 1993 – In a Different Light
  • 1995 – The Mercury Years
  • 1996 – Making Memory
  • 1997 – Forever
  • 1999 – rainbirds3000.live

Weblenken[ännern | Bornkood ännern]