Rahmstörp

Vun Wikipedia
Wapen/Flagg Koort
hett keen Wapen
Rahmstörp
Laag vun Rahmstörp in Düütschland
Basisdaten
Bundsland: Neddersassen
Landkreis: Horborg
Samtgemeen: Hullnst
Gemeen: Resbossel
Inwahners:
Postleettall: 21649
Vörwahl: 04165
Geograafsche Laag:
Koordinaten:53° 24′ N, 9° 40′ O
53° 24′ N, 9° 40′ O

Karte

Rahmstörp (hoochdüütsch Rahmstorf) is en Dörp in de Gemeen Resbossel (Samtgemeen Hullnst) in’n Landkreis Horborg, Neddersassen.

Geografie[ännern | Bornkood ännern]

So bi 500 Meter in’n Noorden von Rahmstörp flütt von West na Oost de Guldbeek langs un münnt so 1,5 Kilometer noordoosten von dat Dörp in de Eest.

De Naveröörd sünd Nindörp in’n Noorden, Doans in’n Noordoosten (de beiden in’n Landkreis Stood), Mesborg in’n Oosten, Wosbossel in’n Süüdoosten, Holtörp in’n Süden, Resbossel un Sounsiek in’n Süüdwesten un Guldbeek un Beekdörp in’n Noordwesten (de letzten dree wedder in’n Landkreis Stood).

Historie[ännern | Bornkood ännern]

Bi dat Dörp hett dat veer Hünengräver ut de Jungsteentied geven.

In’n Eersten Weltkrieg sünd twee Soldaten ut Rahmstörp fullen oder vermisst[1].

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Hullnst in’n Kanton Töst höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1859 to de Vaagdie Hullnst von dat Amt Mesborg tohöört. Von 1859 bet 1885 weer dat in dat Amt Töst un von 1885 bet 1932 in’n Kreis Horborg. 1932 is dat Deel von’n ne’en un grötteren Kreis Horborg worrn.

De Oort höört siet dat 19. Johrhunnert to de Gemeen Resbossel to.

Inwahnertall[ännern | Bornkood ännern]

Johr Inwahners
1791-00-001791[2] 5 Füürsteden
1824-00-001824[3] 11 Füürsteden
1848-00-001848[4] 88 Lüüd, 14 Hüüs
1871-12-011. Dezember 1871[5] 84 Lüüd, 16 Hüüs
1885-12-011. Dezember 1885[6] 85 Lüüd, 12 Hüüs
1905-12-011. Dezember 1905[7] 77 Lüüd, 12 Hüüs

Religion[ännern | Bornkood ännern]

Rahmstörp is evangeelsch-luthersch präägt un höört to dat Kaspel von de Andreas-Kark in Hullnst.

För de Kathoolschen is de St.-Petrus-Kark in Bookholt tostännig.

Kultur[ännern | Bornkood ännern]

En Denkmaal för de Fullenen ut de twee Weltkrieg’ steiht in Resbossel.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

Rahmstörp liggt an de Kreisstraat 17, de in’n Westen na Guldbeek un bi Beekdörp an de Landsstraat 130 ran löppt un in’n Oosten na Mesborg an de L 141 ran. In’n Süüdosten löppt de K 62 na Hullnst. Ans gifft dat noch en lüttjere Straat na Resbossel in’n Süüdwesten.

De nächste Opfohrt op de Autobahn 1 (Afsnidd HamborgBremen) is de Opfohrt 45 Hullnst an de L 141 un is so bi söss Kilometer weg.

De nächste Bahnhoff is de Bahnhoff Buxthu an de Nedderelvbahn von Hamborg na Cuxhoben, de so bi teihn Kilometer weg is. Fröher harr dat Dörp ok en lüttjen Bahnhoff an de Bahnlien Bremervöör–Bookholt. An de Bahnlien hett dat von 1902 bet 1968 Personenverkehr geven.

Scholen[ännern | Bornkood ännern]

De Grundschölers ut Rahmstörp gaht na de Grundschool Mesborg.

Literatur[ännern | Bornkood ännern]

  • Wilhelm Marquardt: Chronik der Gemeinden Halvesbostel mit Holvede und Regesbostel mit Holtorfsbostel und Rahmstorf. Christians, Hamborg 1989

Footnoten[ännern | Bornkood ännern]

  1. http://www.denkmalprojekt.org/dkm_deutschland/regesbostel_ns.htm
  2. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 186
  3. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 496
  4. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 100
  5. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 131
  6. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 146
  7. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 78