Röömsch-Syyrsch Krieg

Vun Wikipedia
Wesseln na: Navigatschoon, Söök
Länner rund um de Ägääsche See rum, ehr de Krieg in’t Johr  192 v. Chr. los gung

De Röömsch-Syyrsche Krieg (ok Antiochoskrieg oder Syyrschen Krieg nömmt) is en militäärschen Striet in de Johre 192188 v. Chr. ween. Dor keem dat to’n Krieg in de Gemarken um de Ägääsche See rum un in Lüttasien. Up de ene Siet stunn en Koalitschoon mit dat Röömsche Riek vorweg, up de annere Siet dat Seleukidenriek unner Antiochos den Groten mit siene Frünnen.

Ehr dat mit Militär up’nanner los gung, harr dat al siet 196 v. Chr. en „Kolen Krieg“ twuschen de beiden Grootmächte geven. [1]In düsse Tied versochen se, de Gemarken, wo se dat up afsehn harrn, in Freden ut’neen to holen. Man dor weern se al flietig bi, Bünnen af to sluten mit de regionalen Middelmächte.

As dat mit den Krieg losgohn weer, stunn an’t Enn en düütlichen Sieg vun de Römers. In’n Freden vun Apameia sund de Seleukiden 188 v. Chr. ut Lüttasien rut drängt wurrn. De Länner, de se dor bi afgeven mössen, sünd an de Römers ehre Frünnen fullen. Dör den Sieg over Antiochos is dat Röömsche Riek de eenzige Grootmacht ween, de in de Gemarken um de Ägääsche See rum noch over bleven weer. Vun dor af an hett Rom in düsse Länner un over ganz Grekenland de Hegemonie utöövt.

Belege[ännern | Bornkood ännern]

  1. Vgl. Ernst Badian: Rome and Antiochos the Great - A Study in Cold War -. In: Classical Philology 54 (1959), S. 81–99.