Punkendiek

Vun Wikipedia

Den Punkendiek sien olen Naam weer Sieldiek. Dat weer en Werserdiek in Bremen twuschen de Wallanlagen und den Sielwall. De Diek is 1799 höger maakt wurrn un vun 1850 af an en Deel vun den Oosterdiek wurrn.

De Naam bedutt Horendiek. He kümmt woll ut den Tiet vun den Sövenjöhrigen Krieg vun her (1756 - 1763). Dormals geev dat vunwegen de Suldaten allerhand Horen in de Stadt. Vunwegen dat se dor avers nich arbeiden dröffen, mössen se buten de Stadt an’n Diek lopen. Dat ole Woort för Hoor weer in Bremen Punke. Bit 1891 hett dat dor noch en lüttjen Padd mit den Naam Punkendiek geven. As in dat Johr 1829 de Bremer Ieswett grünnt wurrn is, is in de Statuten fastleggt wurrn, düsse Wett scholl an den Werserstroom, Bi’n Punkendiek passeern. Noch hüdigendags drippt sik dorüm an'n 6. Januar de Sellschop vun de Bremer Ieswett un allerhand Volk an'n Punkendiek bi’n Sielwall.

Literatur[ännern | Bornkood ännern]