Ponziani-Anspeel

Vun Wikipedia
De Grundstellung vun dat Ponziani-Anspeel nah 3. c2-c3

Bi dat Ponziani-Anspeel (fröher ok Engelsch Springerspeel nömmt) hannelt sück dat um en Anspeel in’t Schach; se tellt to de Apen Spelen. De ECO Code is C44.

Dat Ponziani-Anspeel fangt an mit de Tüüg 1.e2-e4 e7-e5 2.Sg1-f3 Sb8-c6 3.c2-c3. Eerstmals utnannerplüüstert wurr dat to’n Anfang vun dat 18. Johrhunnert vun de Naamsgever, de italieensch Schachspeler un Schriever Domenico Lorenzo Ponziani. Witt plant mit dat Ponziani-Anspeel nah 3. c2-c3 in den nächsten Toog mit d2-d4 de Herrschap över dat Zentrum vun’t Schachbrett to övernemmen. En Nahdeel vun de Buertoog nah c3 liggt aber dorin, dat dat Peerd up b1 eerstmal nich up sien üblich Entwicklungsfeld (c3) kommen kann. Dat swaarte Tegenspeel is dorum up den Angreep vun den Buer e4 anleggt, entwedder mit 3. ... d7-d5 oder mit 3. ... Sg8-f6. Nah noch en wiedergahn Analyse dör Staunton tegen Enn’n vun dat 19. Jorhunnert nehm dat Interesse an dit Anspeel af. Hüüd wurrd dat ehrder selten bruukt un in Grootmeesterpartien meest gar nich mehr speelt.

Wichtige Varianten[ännern | Bornkood ännern]

  • 3...d5 4.Da4
    • 4...Ld7 (Caro-Variante)
    • 4...f6 (Steinitz-Variante)
    • 4...Sf6 (Leonhardt-Variante)
  • 3...d5 4.Lb5
  • 3...f5 (Ponziani-Gegengambit)
  • 3...Sf6 (Jaenisch-Variante)
  • 3...Sge7 (Kmoch-Variante)