Polyhymnia (Mythologie)

Vun Wikipedia
Polyhymnia denkt na (Illustratschoon)

Polyhymnia (ok Polymnia, "de veele Hymnen hett") is en vun de negen Musen, de dat vun Hesiod af an in de Greeksche Mythologie gifft. Se is de Muse vun hymnisch Gedichten, vun Danz un Pantomime, un vun de Geometrie. Ok as Muse vun de Bueree warrt se ankeken.

Mythos[ännern | Bornkood ännern]

As al Musen is se en Göddin. Se is ja de Dochter vun den Göddervadder Zeus un siene Leevste Mnemosyne. He schall ehr in negen Dage tüücht hebben, as he mit sien Deern wietaf vun de annern Gödder weer.

Ikonographie[ännern | Bornkood ännern]

Polyhymnia warrt as en eernsthaftige Fro ankeken, nadenkern un seriöös. Faken warrt se afbillt mit en Finger up’n Mund un hett dorbi en langen Mantel un en Sleier üm un an. Dorbi stütt se sik mit’n Ellbogen up’n Pieler. Meist he se keen besunner Teken bi sik, man towielen höllt se en Bookrull in’e Hand.

Astronomie[ännern | Bornkood ännern]

De Asteroid Polyhymnia hett sien Naam vun düsse Muse her.


Polyhymnia. Mehr Biller, Videos oder Audiodateien to’t Thema gifft dat bi Wikimedia Commons.