Plattmakers

Vun Wikipedia
Wesseln na: Navigatschoon, Söök
Logo von Plattmakers.de
Bild von en Bispeel-Indrag bi Plattmakers (to dat Woord Schruuv)

Plattmakers is en plattdüütsch Wöörbook in ’t Internett. Dat Wöörbook hett opstunns (Stand August 2013) wat mehr as 18.500 Indrääg.

Tohoopstellt worrn is de Websteed 2009. De grote Ünnerscheed to annere Wöörböker is de, dat de Wöör nich as utschrevene Wöör spiekert warrt. De Indrag warrt in en besünnere Schrievwies opschreven, jüst so as dat Woord in de öllste Form heten hett noch vör de ooldsassische Tied (so üm un bi dat Johr 700). Disse Schrievwies warrt denn ümwannelt in de moderne Schrievwies, indem naenanner all de Luudwannels sied de ole Tied op dat Woord anwennt warrt. Op disse Wies warrt de moderne Form von dat Woord konstrueert. Opstunns is disse Ümwannel-Prozess för söss verscheden Dialekten mööglich. Allens tohoop deelt de Websteed Plattdüütschland in 128 Dialektrebeden in. Dat is plaant, dat dat Wöörbook later dat Ümwanneln in all disse 128 Dialekten ünnerstütten schall. De Websteed is opstunns in Plattdüütsch, Hoochdüütsch, Nedderlandsch un Engelsch vörhannen un büddt blangen de Plattdüütsch verkloorten Wöör ok Översetten op Hoochdüütsch, Nedderlandsch un Engelsch an. Later schöölt ok noch mehr Spraken tokamen.

Weblenken[ännern | Bornkood ännern]