Pearl-Index

Vun Wikipedia
Wesseln na: Navigatschoon, Söök

De Pearl-Index is en Maattall, de angifft, wo veel Fronslüüd, de sexuell aktiv sünd, in een Johr swanger warrt. Nöömt is de na den US-amerikaanschen Biologen Raymond Pearl (1879-1940).

Mit den Pearl-Index kann meten warrn wo goot op en Methood to’n Verhöden Verlaat is. Üm so lütter de Pearl-Index is, desto sekerer is de Methood. De Formel dorför is:

\mbox{Pearl-Index} = \frac{\mbox{Tall vun de Swangerschoppen} \cdot 12} {\mbox{Tall vun de Fronslüüd}  \cdot \mbox{Tall vun de Anwennmaanden}} \cdot 100

Bi’t Beweerten vun en Methood mutt ünnerscheedt warrn twüschen de theoretische Methodensekerheit n de praktischen Anwennsekerheit. De eerste ümfaat blots Swangerschoppen, de vörkamt, liekers, dat de Methood richtig anwennt worrn is. De twete tellt ok Swangerschoppen, de dör Fehlers bi’t Anwennen passeert. In de Praxis is dat nich mööglich nipp un nau twüschen de beiden to ünnerscheden, so dat de Pearl-Index vun een Methood in verschedene Studien bannig wesseln kann. De vele Methoden hangt de Pearl-Index ok dorvun af, wo goot de Anwenners sik utkennt un wo veel Insichten se al hebbt.

Betogsweert[ännern | Bornkood ännern]

Bi regelmatigen Bislaap ahn jichtenseen Methood to’n Verhöden gifft de Pearl-Index de Fruchtborkeit an, de vun’t Öller afhangt. För 20-jährige Fronslüüd liggt de Pearl-Index ruchweg bi 85, bi 35-jährige bi 50 un bi 40-jährige Fronslüüd blots noch bi 30. In’t Öller vun 45-50 geiht de denn mit Insetten vun de Menopause op 0 rünner.

Bedüden[ännern | Bornkood ännern]

Statistisch wichtige Parameters as to’n Bispeel, wo faken Sex praktizeert warrt, wo groot de Steekproov oder wo groot de Samttall tomindst wesen mutt, warrt bi’n Pearl-Index nich vörschreven. Jüst bi ne’e Methoden to’n Verhöden seggt de Pearl-Index, as he t. B. vun de Herstellers angeven warrt, nich all to veel ut.

De Pearl-Index warrt nauer, je länger un verbreedter en Methood to’n Verhöden insett warrt.

Weblenken[ännern | Bornkood ännern]