Peanuts Hucko

Vun Wikipedia
Wesseln na: Navigatschoon, Söök

Peanuts Hucko (* 7. April 1918 in Syracuse in New York as Michael Andrew Hucko; † 19. Juni 2003 in Fort Worth, Texas) weer en witt US-amerikaansch Jazz-Klarinettist un Saxophonist vun den Dixieland Jazz un Swing.

Leven[ännern | Bornkood ännern]

Sien Ökelnaam stammt ut sien Kindheit, wiel he so gern Eerdnööten eeten dee. 1939 truck he nah New York, wo he Tenorsaxophon bi Will Bradley (1939-1941), Joe Marsala, Bob Chester un Charlie Spivak (1951-1942) speel. In’ Tweeten Weltkrieg speel he bi de Army Air Force Band vun Glenn Miller, wo he up Klarinette ümsteeg. Ok in Millers Dixieland Combo Uptown Hall Gang speel he Klarinette (dat Stück Stealin Apples vun Fats Waller wurr af sien Glenn Miller Tiet to sien Kennmelodie). Nah den Krieg speel he bi Benny Goodman (1945-1946), Ray McKinley (1946-1947), Eddie Condon un Jack Teagarden (u.a. Europa Tour 1957 mit Teagarden un Earl Hines) un arbeit bit Midden vun de 1950er Johren as Studiomusiker bi ABC un CBS. 1958 bit 1960 gung he mit Louis Armstrong un sien All Star Band up Welttournee. In de 1960er Johren speel he regelmatig in Eddie Condon´s Club un bi de Colorado Jazz Parties vun Dick Gibson mit den Vörlöper vun The World's Greatest Jazz Band („Ten Greats of Jazz“ nömmt). In de 1970er Johren övernehm he dat Glenn Miller Orchestra un speel regelmatig up TV in de Lawrence Welk Show. 1974 hett he sien eegen Nightclub „Peanuts Huckos Navarre“ in Denver apen makt, in de ü.a. sien Ehefru un Singerin Louise Tobin (de Ex-Fru vun Harry James) un de Jazzpianist Ralph Sutton uptreden deen. In de 1980er Johren geev dat för sien Karriere en Revival, he tour as Solist un mit sien Pied Piper Quintet. Dornah truck he sück tonehmend torüch un leev in Denton (Texas). Sien letzt Album Swing that Music keem 1992 rut (mit sien Ehefru Louise Tobin).

Diskographisch Henwiesen[ännern | Bornkood ännern]

  • With Alex Welsh & his Band (Lake, 1967)
  • Stairway to Paradise (Arizona Jazz, 1979)
  • Swing That Music (Star Line, 1992)

Weblenken[ännern | Bornkood ännern]