Paul Desmond Scully-Power

Vun Wikipedia
Wesseln na: Navigatschoon, Söök
Paul Desmond Scully-Power

Paul Desmond Scully-Power (* 28. Mai 1944 in Sydney, Australien) is en ehmalig US-amerikaansch Astronaut.

Scully-Power weer bi Geboort Australier, hett aber 1982 de US-Staatsbörgerschap. He hett anwendt Mathematik an de University of Sydney studeert.

Scully-Power hett as Wetenschapler an tallriek Forschungs-Seefohrten deelnommen. In’ Januar 1967 is he in de austraalsch Marine intreden. Van Juli 1972 bit März 1974 weer he as Uttuuschwetenschapler bi de United States Navy in Connecticut un Washington, D.C. To disse Tiet wurr he inladen, as Assistent för dat Eerdbeobachtungsteam vun dat Skylab-Programm to arbeiten.

In’ Oktober 1977 is he nah de USA utwannert.

Astronautentätigkeit[ännern | Bornkood ännern]

In’ Juni 1984 wurr Scully-Power as Bruuklastspezialist vun de NASA utwählt. To disse Tiet weer he zivil Angestellter vun dat Naval Undersea Warfare Center. An’ 5. Oktober 1984 is he as Bruuklastspezialist mit de Ruumfähre Challenger to sien eenzig Mission (STS 41-G) in’t All flagen. Kummandant von de Mannschap weer Robert Laurel Crippen, de Pilot Jon Andrew McBride un de Missionsspezialisten Kathryn Dwyer Sullivan, Sally Kristen Ride un David Cornell Leestma. Scully-Power weer de tosommen mit de Kanadier Joseph Jean-Marie Marc Garneau en so nömmt Payload Spezialist (Bruuklastspezialist). Dat sünd Astronauten, de nich över dat normal Utwahlverfohren vun de NASA utwählt wurrn un insofern kien lehrt Astronauten sünd. Dat weer dat eerste Mal, dat söben Ruumfohrer in een Ruumschipp flagen sünd.

Kört över 8 Daag weern se ünnerwegens. In de Tiet wurr ok en Sünnbeobachtungssatellit utsett un en EVA ünnernommen.

Scully-Power is 1996 weer nah Australien torüchgahn un fung bi en ozeanographisch Beraderfirma an. Momentan is he Vörsitter vun sien eegen Hochtechnologie-Beraderfirma Prime Solutions Pacific.

Privates[ännern | Bornkood ännern]

Paul Scully-Power is verheiradt un hett söss Kinner.

Nahwiesen[ännern | Bornkood ännern]