Patrick Stewart

Vun Wikipedia
Patrick Stewart, 2012

Patrick Stewart (* 13. Juli 1940 in Mirfield, West Yorkshire, England) is en britischen Schauspeler. He hett meist 50 Johren lang Theater speelt. 25 Johren lang weer he Liddmaat vun de Royal Shakespeare Company.

Leven[ännern | Bornkood ännern]

Stewart weer as drütte Söhn vun den Soldaten Alfred Stewart un de Weverin Gladys Stewart. Mit twölf Johr al füng he an Theater to spelen. He is mit 16 Johr vun de School afgahn un hett dorna as Journalist arbeidt. Dör en Stipendium harr he de Möglichkeit, de Old Vic Theatre School bi Bristol to besöken, un mit 19 fünf he an, professionell an en Theater to spelen, wobi he jümmer grötteren Spood harr.

1966 heiraad he de Choreografin Sheila Falconer. Tohopen hebbt se twee Kinner, de 1968 un 1973 boren weern. De Eh hett blots bit 1990 hollen. Stewart hett sik denn vun sien Fro trennt un tein Johr later Wendy Neuss heiraad, de Produzentin bi düchtig veele Folgen vun de Fernsehserie Star Trek: The Next Generation weer. Siet eenige Tiet is he mit de britschen Schauspelerin Lisa Dillon verbandeln.

Opstunns is Stewart Kanzler vun de britsche Universität Huddersfield. Siet 2001 hett he den Titel vun en Officer of the Order of the British Empire. Patrick Stewart wohnt to Tiet in Stratford, England. Na egen Snacken müch he sik nu wedder mehr op dat Theater konzentreeren.

Wark[ännern | Bornkood ännern]

Patrick Stewart hett as Schauspeler in veele Filmen un Theateropföhren mitspeelt. Dör sien Rull as Kaptein Jean-Luc Picard in de Fernsehserie Star Trek: The Next Generation is he weltwiet bekannt warrn. He hett ok in mehr as 25 Kinofilmen mitspeelt. In Düütschland warrt he afwesselnd vun de Synchronsnackers Rolf Schult un Ernst Meincke synchroneseert. In Theaterkreisen weer Stewart ok vörher al beropen as en utermaten hogden Schauspeler mit en Vörleev för dat Wark vun William Shakespare – he hett jo ok lange Johren in de Royal Shakespeare Company speelt. In de Rull as Cpt. Picard hett he disse Anlaag ok inbringen künnt.

Siet 2000 wasst sien Publikum, siet he ok in de Verfilmen vun de X-Men-Reeg mitspeelt. Ofschonst Stewart lever veele ünnerscheedlich Typen spelen deit, is sien Rull bi de X-Men wedder en beten liek anleggt. En annere Parallele ist sien Optritt in de Verfilmen vun Moby Dick vun 1998, in den Stewart den Kapitän Ahab dorstellt. Mit Ahab weer aver ok Cpt. Picard in den Star Trek Kinofilm Star Trek: First Contact (dt.: Star Trek: Der Erste Kontakt) vergleken, as he Jagd op de Borg maken de.

Stewarts Theater-Insichten gaht in de Star Trek-Serie goot op, as he in sien Rull fakener mol mit ole Literatur uteneensett un faken ok dorut ziteert för sien Argumenteeren, wat Picard to en düchtig depsinnigen Charakter maakt. In de Fangemeen vun de Star Trek Welt gellt Picard as en vun de bedüdensten Figuren. Stewart weer dorför 1987 vun den Produzenten Robert Justman as de ideal Schauspeler utsocht worrn. Toeerst weer vörsehn, dat Stewart dorför en amerikaansch Akzent lehren schüll, man denn hett man sik doch entscheeden, em sien britschen Akzent to laten, wat in de Rull de europääsch Afkummst ünnerstrieken schüll.

Toletzt weer Patrick Stewart in X-Men: The Last Stand (dt.: X-Men: Der letzte Widerstand) in’n Kino to sehn. 2006 segg he in gegenöver dat britsch Daagblatt Daily Telegraph, dat he nich dorvun utgeiht, dat he noch mol in een Star Trek-Film mitspelen warrt, man he wull dat ok nich in’n Grundsatz utsluten. To iet konzentreert he sik wedder op dat Theaterspeel. In de letzten Johren weer he in verscheeden Rullen op de Bühn to sehn, so ok in’t Royal Shakespeare Theatre in Stratford-upon-Avon, wo he 2006 den Prospero in Shakespeares The Tempest speelt hett.

Filmrullen (Utwahl)[ännern | Bornkood ännern]

Patrick Stewart in’t Johr 2004
Johr Titel Synchroonsnacker
2005-18 American Dad, Feernsehreeg Ernst Meincke
2017 Dragonheart: Battle for the Heartfire, Stimm
dt.: Dragonheart: Die Kraft des Feuers
Christian Rode
2017 The Wilde Wedding  
2017 Logan
dt.: Logan: The Wolverine
Kaspar Eichel
2015-16 Blunt Talk, Feernsehreeg Kaspar Eichel
2016 Spark: A Space Tail, Stimm  
2015 Christmas Eve
dt.: New York Christmas – Weihnachtswunder gibt es doch
 
2014 Sinbad: The Fifth Voyage, Stimm
dt.: Sindbads fünfte Reise
 
2014 Match  
2014 X-Men: Days of Future Past
dt.: X-Men: Zukunft ist Vergangenheit
Kaspar Eichel
2005-14 Family Guy, Feernsehreeg diverse
2013 Hunting Elephants  
2007 Teenage Mutant Ninja Turtles, Stimm Ernst Meincke
2006 X-Men: The Last Stand
dt.: X-Men: Der letzte Widerstand
Rolf Schult
2005 Mysterious Island
dt.: Mysterious Island – Die geheimnisvolle Insel
Ernst Meincke
2004 The Lion in Winter, Feernsehn
dt.: Der Löwe im Winter
 
2003 X2: X-Men United
dt.: X-Men 2
Rolf Schult
2002 Star Trek: Nemesis Rolf Schult
2002 King of Texas, Feernsehn  
2000 X-Men Rolf Schult
1999 A Christmas Carol
dt.: A Christmas Carol – Die drei Weihnachtsgeister
Ernst Meincke
1998 Moby Dick, Feernsehn Ernst Meincke
1998 Star Trek: Insurrection
dt.: Star Trek: Der Aufstand
Rolf Schult
1998 Dad Savage Ernst Meincke
1998 Safe House
dt.: Abgeschottet
Ernst Meincke
1997 Conspiracy Theory
dt.: Fletchers Visionen
Ernst Meincke
1997 Masterminds
dt.: Masterminds – Das Duell
Christian Rode
1996 Star Trek: First Contact
dt.: Star Trek: Der erste Kontakt
Rolf Schult
1996 The Canterville Ghost, Feernsehn
dt.: Das Gespenst von Canterville
Klaus Sonnenschein
1995 Jeffrey Klaus Guth
1994 Gunmen Friedrich Georg Beckhaus
1994 Star Trek: Generations
dt.: Star Trek: Treffen der Generationen
Rolf Schult
1993 Death Train Michael Mendl
1993 Robin Hood:Men in Tights
dt.: Robin Hood – Helden in Strumpfhosen
Gert-Günther Hoffmann
1991 L.A. Story Jürgen Thormann
1987-94 Star Trek: The Next Generation, Feernsehreeg
dt.: Raumschiff Enterprise - Das nächste Jahrhundert
Rolf Schult (#1-83)
Ernst Meincke (#84-178)
Harald Dietl (Vörspann)
1986 Lady Jane
dt.: Lady Jane – Königin für neun Tage
 
1985 Lifeforce
dt.: Lifeforce – Die tödliche Bedrohung
Horst Schön
1984 Races  
1984 Dune
dt.: Der Wüstenplanet
Reinhard Glemnitz
1981 Excalibur Harald Dietl
1980 Little Lord Fauntleroy
dt.: Der kleine Lord
Friedrich Georg Beckhaus
1975 Hennessy
dt.: Ein Mann namens Hennessy
Harald Dietl

Utteken[ännern | Bornkood ännern]

Patrick Stewart is en beropen Schauspeler, de al faken för Priesen vörslahn weer. 1996 kreeg he den Will Award in Anerkennen för sien professionelle Theaterkarriere. Siet 1996 hett he ok sien Steern op’n Walk of Fame in Hollywood. För sien Dorstellen in Filmen weer Stewart 18 mol för Priesen nomineert, wunnen hett he dree dorvun:

Weblenken[ännern | Bornkood ännern]