Patrick McGoohan

Vun Wikipedia
Wesseln na: Navigatschoon, Söök

Patrick Joseph McGoohan (* 19. März 1928 in Astoria, New York; † 13. Januar 2009 in Los Angeles, Kalifornien) weer en US-amerikaansch Schauspeler, Dreihbookschriever un Speelbaas. He weer woll in de USA boren, bekannt wurrn is he aber dör sien engelsch Films un Feernsehreegen.

Biografie[ännern | Bornkood ännern]

McGoohan sull, wenn dat nah sien Moder gahn weer eegentlich Preister wurrn. In’t School weer he besünners in Mathematik un Boxen good. Nah den Schooltied weer he Höhnerfarmer, Bankangestellter un Lastwagenfohre, bit he en Anstellung as Bühnenmanager bi de Sheffield Repertory kreeg. Sien eerste Rull kreeg he, as he för en krank wurrn Schauspeler insprungen is. Dor hett he aber ok sien Ehfru Joan Drummond kennen lehrt, de he tüschen en Proov to „The Taming of the Shrew“ ( düütsch: Der Widerspenstigen Zähmung) un de Abendvörstellung heiraadt hett.

He weer as Bühnenschauspeler good ansehn un fragt. Sien Dorstellung vun en Priester, vun de man seggen de, dat he homosexuell weer, in en Londoner West-End-Produktschon hett up Orson Welles derart Indruck makt, dat he McGoohan as Starbuck in sien Yorker Bühnenfaaten vun Moby Dick verpflicht hett.

He wurr dornah meest as wöst Minsch en B-Filmen vun de Produktschoonsfirma The Rank Organisation insett, so as in „Duell am Steuer“ (Hell Drivers, 1957) oder in „Dämon Weib“ (The Gypsy and the Gentleman, 1958). Aber dor is he nich glücklich wurrn un hett de Verdrag bold uplööst. Doruphenn kontakteer hüm de britsch Filmproduzent Lord Lew Grade för en Feernsehrull in de Swart-Witt-Reeg Danger Man (ok Secret Agent; dt.: Geheimauftrag für John Drake, 1960). McGoohan, dör de Verdrag mit de Rank Corporation kloker wurrn, stell jetzt aber diverse Bedingungen, de ok erfüllt wurrn. So wull he to’n Bispeel nich, dat he Schmusereen mit Fruen speelen muss. De Reeg leep aber ok blots een Johr.

Nah en paar anner Filme för de Walt Disney Company, as „Die drei Leben von Thomasina“ (The Three Lives of Thomasina, 1964) oder „Dr. Syn – Das Narbengesicht“ (The Scarecrow of Romney Marsh, ok 1964), makt harr, Rullenangebote för James Bond oder Simon Templar-Kopien aflehnt harr, keem Lew Grade weer, dormit he nochmols „John Drake“ speelen de. Dat Dreibook weer nu beter un ok de Längt vun de Films un de Films harrn bannig Spood. McGoohan wurr dordör för en Sett en vun best betallt Schauspeler in England. Nah de veert Staffel hett he de Rull aber ok weer torüch geven.

Anner bekannt Kinofilme mit Patrick McGoohan sünd „Ice Station Zebra“ (dt.: Eisstation Zebra, 1968), „Silver Streak“ (dt.: Trans-Amerika-Express, 1976), „Escape from Alcatraz“ (dt.: Flucht von Alcatraz 1979), „Braveheart“ (1995) un „Hysteria“ (1998).

För de Feernsehreeg „Columbo“ mit Peter Falk, för de he sück stark engageer, weer McGoohan ok Speelbaas un Produzent. In veer Episoden is he ok sülvst as Täter mit uptreden. In de Folgen „Des Teufels Corporal“ (By dawn's early light), „Tod am Strand“ (Identity crisis), „Mord nach Termin“ (Agenda for murder) un „Das Aschenpuzzle“ (Ashes to ashes) is he as Mörder to sehn.

Patrick McGoohan is nah en kort Krankheit an’ 13. Januar 2009 Santa Monica in Kalifornien storven.

Nummer 6[ännern | Bornkood ännern]

Up de Nahfraag vun Lew Grade, of McGoohan nah dat Enn’ vun Geheimauftrag für John Drake noch wieder för hüm arbeiten wull, weer he vörbereit un har all wat för en söbendeelig Reeg utarbeidt. Dorin wuurd en nich mehr aktiv Geheimagent kidnappt un waakt up in en Gefängnis, wat as Urlaubsoort tarnt is. De Reeg hett man denn sogor up 17 Deelen wieder makt, „Mini-Serien“ geev dat dor noch nich. De Reeg harr den „The Prisoner“ (dt.: Nummer 6, 1967) un wurr in de noordwalisisch Hotelanlaag Portmeirion dreiht, wo dat wat frömdoordig utsehn de. MacGoohan weer bi disse Produkschoon Hööftdorsteller un Speelbaas in Een. De Reeg wurr allerdings düchtig kontrovers diskuteert un de letzt bannig umstreden Folg is he lever ut England weggahn.

Mit de Tied wurr aber ok „The Prisoner“ to’n Kult un jedes Johr drapen sück Lüüd in de Hotelanlaag, üm de Figuren quasi nahtospeelen. Dat ZDF hett de Reeg in Düütschland överdragen.

Filmrullen (Utwahl)[ännern | Bornkood ännern]

Johr Titel Synchroonsnacker
1955 Moby Dick Rehearsed, Feernsehn  
1955 Passage Home
dt.: Eine Frau kommt an Bord
 
1956 Zarak
dt.: Zarak Khan
 
1957 High Tide at Noon  
1957 Hell Drivers
dt.: Duell am Steuer
Heinz Reincke
1958 The Gypsy and the Gentleman
dt.: Dämon Weib
 
1958 Nor the Moon by Night
dt.: Gnadenloser Dschungel
 
1960-61 Danger Man, Feernsehreeg
dt.: Geheimauftrag für John Drake
Heinz Drache
1962 All Night Long
dt.: Die heiße Nacht
 
1962 Life for Ruth
dt.: Brennende Schuld
 
1962 The Quare Fellow
dt.: Der Todeskandidat
Ernst Kuhr
1963 Dr. Syn, Alias the Scarecrow  
1964 The Three Lives of Thomasina
dt.: Die drei Leben des Thomasina
 
1964-67 Danger Man, Feernsehreeg
dt.: Geheimagent
 
1967-68 The Prisoner, Feernsehreeg
dt.: Nummer 6
Horst Naumann
Bernd Rumpf
1968 Ice Station Zebra
dt.: Eisstation Zebra
Gert Günther Hoffmann
1970 The Moonshine War
dt.: Whisky brutal
Michael Chevalier
1971 Mary, Queen of Scots
dt.: Maria Stuart, Königin von Schottland
Jürgen Thormann
1974 Columbo: By Dawn’s Early Light
dt.: Columbo: Des Teufels Corporal
Heinz Drache
1975 Columbo: Identity Crisis
dt.: Columbo: Tod am Strand
Heinz Drache
1975 Un genio, due compari, un pollo
dt.: Nobody ist der Größte
Klaus Miedel
1976 Silver Streak
dt.: Trans-Amerika-Express
Christian Rode
1977 Rafferty, Feernsehreeg  
1978 Brass Target
dt.: Verstecktes Ziel
Martin Hirthe
1979 Escape from Alcatraz
dt.: Flucht von Alcatraz
Joachim Cadenbach
1981 Scanners
dt.: Scanners – Ihre Gedanken können töten
Niels Clausnitzer
1984 Trespasses
dt.: Die Antwort ist Blei
 
1985 Baby: Secret of the Lost Legend
dt.: Baby – Das Geheimnis einer verlorenen Legende
Niels Clausnitzer
1990 Columbo: Agenda for Murder
dt.: Columbo: Mord nach Termin
Wolfgang Draeger
1995 Braveheart Christian Rode
1996 A Time to Kill
dt.: Die Jury
Jochen Schröder
1998 Hysteria  
1998 Columbo: Ashes to Ashes
dt.: Columbo: Das Aschenpuzzle
Horst Raspe
2002 Treasure Planet, Stimm
dt.: Der Schatzplanet
Hans Teuscher

Weblenken[ännern | Bornkood ännern]