Partei Bibeltreuer Christen

Vun Wikipedia
Wesseln na: Navigatschoon, Söök

De Partei Bibeltreuer Christen is christlich-konservative Lüttpartei in Düütschland. In düsse Partei maakt Christen ut alle Konfessionen un Denominatschonen mit.

Programm[ännern | Bornkood ännern]

De PBC sett sik dörför in, dat sik Christen mehr in de Sellschop engaschieren un hett sik as Basis för ehr politisch Programm op de Weerten un Normen vun de Bibel fastleggt. För jem heet dat t.B. Ehe un Familie to bewohren un mehr Geld för dat Optrecken vun Kinner uttogeven.

Se will ok, dat dat nich mehr so licht is, sik scheden to laten, se is gegen dat Afdrieven vun unboren Kinner un gegen dat Utleven vun Homosexualität. Se will pornograafsche Schriften verbeden. Se will ok, dat in de niege EU-Verfaten ok op Gott henwiesen warrt. De PBC will, dat alle Schölers wat vun de Bibel to weten kriegt un dat blangen de Evolutschoonslehr ok vun de Schöpfung vertellt warrt. In den Nahostkonflikt steiht se op de Siet vun de Israelis.

Geschicht[ännern | Bornkood ännern]

De Pastor Gerhard Heinzmann hett de Partei 1989 grünnt, as veel över den Paragraf 218 diskuteert wurr, de dat Afdrieven vun unboren Kinners regelt. Bet 2005 weer Heinzmann ok de Bundsvörsitter vun de PBC. 2005 hett he vunwegen sien Öller nich mehr kandideert. Sien Nafolger weer bet to den 15. Dezember 2007 Walter Weiblen. Denn is Ole Steffes de niege Baas vun de PBC worrn.