Paraurethraldrüüs

Drüsen in’t Rebeet vun de Puus

De Paraurethraldrüüs (lat.: Glandula paraurethralis) oder Skene-Drüüs (na Alexander Skene 1838–1900), ok Prostata feminina („Prostata vun de Fro“) is in de Anatomie en akzessoorsche Geslechtsdrüüs vun de Fro.

Disse Drüsen hebbt – jüst so as de Prostata bi Mannslüüd, wat ok för den Binaam Prostata feminina veratnwoortlich is – mehrere Utgäng: Se münnt in dat Enn vun de Harnröhr as ok rechts un links dorvun. Ehr Sekret is vun de Tosamensetten un de Enzymmusters to verglieken mit Sekret vun de Prostata bi Mannslüüd (kiek ok bi Ejakulatschoon bi Fronslüüd).

Patholoogsche Ännern

Mitünner kann dat to en Sweer vun de Paraurethraldrüüs kamen. Beschreven worrn is ok en tumoröös Utorden (Karzinom). De Utföhrgäng vun de Paraurethraldrüüs künnt butendem Utgangsöörd för’t Utbilln vun Urethral-Divertikels wesen.

Kiek ok

• Bartholinsche Drüüs
• Orgasmus

Literatur

• Milan Zaviačič, Beverly Whipple: Update on the female prostate and the phenomenon of female ejaculation. In: Journal of Sex Research. Band 30, 1993, S. 148–151.

Weblenken

• The Paraurethral, or "Skene's Glands" in Scientific Literature
• Female Ejaculation is prostatic fluid from the female prostate – the G-spot! mit 3D-Bildern (3D Animatschoon vun de Paraurethraldrüüs 1 360° piel Rotatschoon)
• Lexikon vun’t Dokterzentrum Isartor, München