Paolo Bettini

Paolo Bettini bi de Düütschlandtour 2004

Paolo Bettini (* 1. April 1974 in Cecina, Italien) is en italiensch Radrennfohrer.

Bettini gellt as en vun de best Rennfohrer ut sien Generation för swoor Eendagsrennen. He hett en goden Rennöversicht und kann gau losfohren. He wurrd il Grillo, de Grill, nömmt, wiels he wat schmächtig is un gau ut en Feld rutspringen kann. Bi grode Rundfohrten oder in de Bargen hett he aber nix to melden.

Mit sien Sieg bi de Weltmeesterschap 2007 kunn he to dree Fohrer upsluten, de hör Titel vertedigen kunnen. Dat weern de Belgiers van Looy un van Steenbergen as ok sien Landsmann Bugno.

Karriere

1997-2008

Bettini wurr 1997 Profi. Eerst weer he blots Waterdrager un Helper för Michele Bartoli un kunn paar Etappen bi lüütje Rundfohrten winnen. In dat Johr 2000 wunn he aber de Ardennen-Klassiker Lüttich-Bastogne-Lüttich un lös Bartoli as Kaptein vun dat Team Mapei af.

In dat Johr drup wurr he bi de Weltmeesterschap Twete achter Oscar Freire un kunn ok de Rennen Meesterschap vun Zürich un Coppa Placci winnen.

Van 2002 bit 2004 wunn Bettini immer de Gesamtweertung vun de Rad-Weltcup. Bi de Olympsch Sömmerspelen in Athen kunn he de Goldmedaille winnen, ok de Rundfohrt Tirreno–Adriatico hett he wunnen. Lüttich-Bastogne-Lüttich kunn he 2002 to’n tweten Mal gewinnen.

2005 wunn he nochmals de Meesterschap vun Zürich un de Lombardei-Rundfohrt. 2006 und 2007 wurr he denn Weltmeester und hett in 2006 nochmols de Lombardei-Rundfohrt wunnen.

Een Dag, bevör he sien Weltmeistertitel nochmol verteidigen wull, hett he an' 27. September 2008 dat Enn'n vun sien Karriere bekannt geben.

Weblenken

• Club Paolo Bettini, Fanclub (italieensch)