Pale Rider

Vun Wikipedia
Wesseln na: Navigatschoon, Söök
Filmdaten
Plattdüütsch Titel:
Originaltitel: Pale Rider
Düütsch Titel: Pale Rider – Der namenlose Reiter
Produkschoonsland: USA
Johr vun’t Rutkamen: 1985
Läng: 111 Minuten
Originalspraak: Engelsch
Öllersfreegaav in Düütschland: FSK 16
Filmkru
Speelbaas: Clint Eastwood
Dreihbook: Michael Butler
Dennis Shryack
Produkschoon: Clint Eastwood
Musik: Lennie Niehaus
Kamera: Bruce Surtees
Snitt: Joel Cox
Dorstellers

Pale Rider (op Platt so veel as „Bleek Rieder“) is en Westernfilm ut dat Johr 1985. Clint Eastwood hett in den Film de Hööftrull speelt un weer togliek ok Speelbaas un Produzent. Dat Dreihbook hebbt Michael Butler un Dennis Shryack schreven

Inholt[ännern | Bornkood ännern]

In en Daal in Kalifornien leevt en lütte Grupp un traditschonell arbeiten Goldschürfers, de vun den Minenbesitter Coy LaHood överfallt warrt, dat se övertüügt warrt, dat Daal to verlaten. LaHood höört al dat hele Land to un na em is ok de lütte Stadt in de Neeg nöömt un he müch ok den Canyon övernahmen, woneem de Lüüd leevt, üm em mit industriell Methoden uttobüten. Megan, de Dochter vun de Verlööfte vun Hull Barret, verlütt bi den Överfall ehrn Köter. As se em begraavt, schickt se en Stöötbeed na’n Heven, dat en Wunner passeeren mutt.

Dat Wunner kummt in Person vun en Kerl ahn Naam, de Hull to Help kummt, as he in de Stadt vun LaHood Mackers gresig verkloppt warrt. Barret nimmt em mit in sien lütte Hütt, woneem vernarvt Wunnen op’n Rüch vun den Mann an’n Daag kamt. De Frömde gifft sik opletzt as Prediger to kennen un langt bi de Arbeit ordig mit to. Op de Oort övertüügt he de Arbeiters in’n Canyon dortoblieven un sik LaHood to stellen.

As LaHood vun den ne’en Helpsmann Naricht kriggt, snackt he mit em un versöcht em mit Geld dorvun to övertügen, vun sien Doon aftolaten. Dat funkschoneert aver nich un LaHood versöcht, de Lüüd jemehr Land – ünner Weert – aftoköpen. Natürlcih draut he jem mit Gewalt för den Fall, dat se nich insichtig sünd un weggaht. LaHood kennt neemlich en Killer, de sik de Marschal nöömt un mit söss „Deputies“ ünnerwgens is.

As dat utsütt, kennt de Prediger den Marshal un denkt an sien verleden Tiet torüch. En Koppel vun de Schürfers besluut, dat Anbott vun LaHood aftolohnen. To glieken Tiet dröpt Megan den Prediger in’n Woold un vertellt en, dat se em leef heet. He wiest eher aver af, vun wegen dat se noch so bannig jung is. In Raag un daalslahn löpt se weg.

An’n Dag dorop is de Prediger weg. Hull kriggt doröver Striet mit sien Verlööften, man Megan gifft sik dorvör de Schuld. In de Twüschentiet hett LaHood den Marshal Bescheed seggt un lett den Stroom opstaun, den de Goldsökers bruukt, dat se jemehr Funnen utwaschen künnt. Liekers maakt se wieter.

De Prediger is in de Tiet in en annere Stadt reden un tuuscht sien Soutane gegen sien Verleden Tiet in in Form vun en Colt un en Patronengördel, dat he enerworrns torüchleggt harr. Een vun de Goldsökers, Spider, hett in de Twüschentiet en footballgroten Nugget funnen un föhrt dormit in de Stadt, woneem he sik wat to supen kööft un LaHood to provozeeren versöcht. He warrt koolt vun den intwüschen indrapen Marshal Stockburn un sien Deputies doodschaten. Stockburn höört dör LaHood vun den Prediger un schient em ok to kennen, ofschoonst he sik seker is, dat he em fröher al doosschaten hett.

Megan is in de Tiet na de Goldmien vun LaHood reden, wieldat se op annere Gedanken kamen wull. Aver dor ankamen versöcht de Jung vun LaHood sik an ehr to vergahn, wat in letzte Sekunn dör den Prediger hinnert warrt. Ok de Moder vun Megan vertellt nu den Prediger, dat se em leef hett, beslutt to glieken Tiet aver, Hull to heiraden. Se bringt een Nacht mit den Frömden to.

Hull un de Predioger riedt an’n nächsten Morgen na de Goldmien vun LaHood un sprengt mit Dynamit allens in de Luft. De Prediger jaagt dat Peerd vun Hull weg, dat he nich mitkamen kann, wenn he sik den Marshal stellen deit. In de Stadt kummt dat opletzt to’n Showdown, wiel den de Prediger toeerst de Mackers vun LaHood afknallt un dorna in en raffineert Verstekenspeel na un na ok de Deputies vn’n Marshal. An’n Enn staht sik blots noch de Marshal un de Prediger gegenöver. Un de schütt den Marschall dood, toeerst jüst op de Oort, as he vun den Marshal fröher verwunnt woorn is un opletzt in’n Kopp.

LaHood, de den Frömden ut’n Achtergrund afknallen will, warrt in letzte Sekunn vun Hull Barret daalmaakt, de to Foot achteran kamen is. An’n Enn maakt sik de Frömde op sien Peerd wedder dorvun, ahn groot to snacken. Ok Megan, de achterankummt, kriggt keen Mööglichkeit mehr, sik vun em to verafscheden.

Kritiken[ännern | Bornkood ännern]

film-deenst: Melancholischer Spätwestern, der klassische Genre-Motive für eine ‚ökologische‘ Kritik an der Zerstörung der Umwelt nutzt. Außergewöhnlich in seinen politischen und metaphysischen Aspekten, seinem Plädoyer gegen Gewalt, seiner von Realismus und Ritualisierung bestimmten Inszenierung und in seiner hervorragenden Kameraarbeit.

Utteken[ännern | Bornkood ännern]

De Film Pale Rider is mit twee Filmpriesen uttekent worrn un hett en wietere Nomineeren kregen:

  • 1985: nomineert för de Golden Palm för Clint Eastwood.
  • 1986: den Spur Award in de Kategorie Best Dreihbook för Michael Butler un Dennis Shryack.
  • 1986: den Young Artist Award in de Kategorie Beste Dorstellen vun en Jungdorstellersche in en Speelfilm för Sydney Penny.

Weblenken[ännern | Bornkood ännern]