Osenhorst
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27404 | |
| Vörwahl: | 04286 | |
| Geograafsche Laag: | Koordinaten:53° 14′ N, 9° 19′ O53° 14′ N, 9° 19′ O | |
|
| ||
Osenhorst (hoochdüütsch Osenhorst) is en Dörp in de Gemeen Zeven in’n Landkreis Rodenborg, Neddersassen.
Geografie[ännern | Bornkood ännern]
So bi 300 Meter in’n Süüdwesten von Osenhorst münnt de Osenhorster Beek in de Meh-Au.
De Naveröörd sünd Asp, Hoffkoh un Wist in’n Noorden, Bahnhoff Elsdörp un Frankenbossel in’n Noordoosten, Elsdörp in’n Oosten, Jeem un Heesdörp in’n Süden, Siek in’n Süüdwesten, Wehldörp mit Wehldörper Holt in’n Westen un Brüttendörp in’n Noordwesten.
Historie[ännern | Bornkood ännern]
In de Franzosentied von 1810 bet 1814 hett de Oort to de Mairie Zeven in’n Kanton Zeven höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1885 to dat Amt Zeven tohöört. Na 1885 weer dat in’n Kreis Zeven. 1932 is dat Deel von’n Landkreis Bremervöör worrn un 1977 von’n Landkreis Rodenborg.
In dat 19. Johrhunnert hett Osenhorst noch mit Borgwall un Borgelsdörp en Gemeenverband billt, later is Osenhorst denn aver an Wist gahn un Borgwall un Borgelsdörp an Elsdörp.
De Oort is an’n 1. März 1974 as Deel von de Gemeen Wist mit de Gemeenreform in Neddersassen an de Gemeen Zeven kamen.
Inwahnertall[ännern | Bornkood ännern]
| Johr | Inwahners |
|---|---|
| 1824[1] | 3 Füürsteden |
| 1848[2] | 37 Lüüd, 4 Hüüs |
Religion[ännern | Bornkood ännern]
Osenhorst is evangeelsch-luthersch präägt un höört to dat Kaspel von de Allerhilligen-Kark in Elsdörp.
För de Kathoolschen is de Christ-König-Kark in Zeven tostännig, de siet 1. November 2006 to de Karkengemeen Corpus Christi in Rodenborg tohöört.
Weertschop un Infrastruktur[ännern | Bornkood ännern]
Verkehr[ännern | Bornkood ännern]
Osenhorst is över lüttjere Straten in’n Westen verbunnen mit Wehldörp un de Bundsstraat 71, de in’n Noorden na Zeven, Sürsen un Bremervöör geiht un in’n Süüden na Rodenborg. In’n Noorden geiht en Straat na Wist an de Landsstraat 131 un in’n Oosten na Elsdörp an de L 131.
De nächste Autobahn is de Autobahn 1. De Opfohrt 48 Elsdörp liggt so dree Kilometer in’n Süüdoosten von Osenhorst.
De nächste Bahnhoff is so bi 17 Kilometer wied weg de Bahnhoff Scheeßl an de Bahnlien Bremen–Hamborg.
Scholen[ännern | Bornkood ännern]
De Kinner ut Osenhorst gaht op de Grundschool Elsdörp.
Lüüd[ännern | Bornkood ännern]
De Footballspelerin Doris Fitschen is op’n Buurnhoff von ehr Öllern in Osenhorst opwussen.
Literatur[ännern | Bornkood ännern]
- Dorfchronik von Wistedt: mit seinen Ortsteilen Hofkoh, Osenhorst und Bahnhof Elsdorf im Wandel der Zeit. 2013
Footnoten[ännern | Bornkood ännern]
- ↑ C. H. Jansen: Statistisches Handbuch des Königreichs Hannover. 1824, Sied 468: http://books.google.de/books?id=tG0AAAAAcAAJ&pg=PA468
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 141: http://books.google.de/books?id=eOI-AAAAcAAJ&pg=PA141
Badenst (mit Baadmöhlen un Övelgünn) | Brauel | Brümmerhoff (mit Hemel) | Brüttendörp | Olendörp | Wist (mit Hoffkoh, Osenhorst un Bahnhoff Elsdörp) | Zeven (mit Asp)