Orange Walk (Distrikt)

Vun Wikipedia
HondurasGuatemalaMexikoCorozal (Distrikt)Orange Walk (Distrikt)Belize (Distrikt)Stann Creek (Distrikt)Cayo (Distrikt)Toledo (Distrikt)
Koort von’n Distrikt Orange Walk
Koort von 1910 mit de olen Distrikt-Grenzen

De Distrikt Orange Walk (engelsch Orange Walk District) is een von de söss Distrikte von Belize. De Hööftoord is Orange Walk. De Distrikt hett en Grött von 4636 km² un hett 48.300 Inwahners (Stand 2008).

Geografie[ännern | Bornkood ännern]

Orange Walk liggt in’n Noordwesten von Belize un grenzt in’n Noordoosten an den Distrikt Corozal, in’n Oosten an Belize un in’n Süden an Cayo. In’n Westen liggt dat Naverland Guatemala un in’n Noorden is Mexiko.

Grenzen[ännern | Bornkood ännern]

In’n Noorden liggt de Grenz na’n Distrikt Corozal un na Mexiko in’n Hondo River bi Douglas. De Grenz na Mexiko verlöppt in’n Hondo River hoog bet na’n Blue Creek un in’n Blue Creek bet na en Punkt bi Pioneros del Río Xnohá. Düsse Punkt is defineert dör den Meridian von de Garbutt’s-Waterfäll an’n Belize River. De Grenz twüschen Belize op de een Sied un Mexiko un Guatemala op de annere Sied löppt hier stuur na Süden bet na düsse Waterfäll. De Grenz von’n Distrikt Orange Walk is aver al vörher, an’n Tu-Tu Creek, toenn. De Afsnidd is üm un bi 67 Kilometer lang.

An’n Tu-Tu Creek is de Grenz na’n Distrikt Cayo, de nu den Loop von Tu-Tu Creek, Pescado Creek, Crique Negro, Yalbac Creek un Labouring Creek langslöppt bet na de Steed, an de de Labouring Creek in’n Belize River münnt.

Dor drippt de Distrikt Orange Walk op’n Distrikt Belize. De Grenz knickt na Noorden af un löppt temlich stuur op de Crabcatcher Lagoon to. Se knickt na Noordoosten af na’n Spanish Creek un von dor na Noorden dör de Spanish Creek Lagoon un de Laguun von Crooked Tree. An’t Noordenn von de Laguun löppt de Grenz na Noordoosten bet an en Punkt in’n Süden von Neuland. Hier drippt de Distrikt Orange Walk op’n Distrikt Corozal. De Grenz löppt von dor stuur na Noordwesten na’n Freshwater Creek bi Honey Camp, maakt en Knick op de Steed to, an de de twee Arms von’n New River wedder tohoopfleten doot (in’n Süüdwesten von Caledonia) un denn wedder stuur na Noordwesten na Douglas an’n Hondo River un an de Grenz na Mexiko.

Inwahnertall[ännern | Bornkood ännern]

Johr Inwahners
Zensus 1921[1] 5.607
Zensus 1946[1] 5.520
Zensus 1960[1] 10.306
Zensus 1970[1] 17.041
Zensus 1980[1] 22.870
Zensus 1991[1] 30.681
Zensus 2000[1] 40.301
Zensus 2010[1] 45.946

De Inwahners weren bi’n Zensus 2000 to 77 % Mestizen, to 7 % Kreolen, to 10 % Mennoniten un to 3 % Maya. De Rest hett sik op de verscheden annern Volksgruppen von Belize opdeelt.[1]

Ünnerafdelen[ännern | Bornkood ännern]

Gemenen[ännern | Bornkood ännern]

De Gemenen binnen Orange Walk sünd:

Wahlen[ännern | Bornkood ännern]

Binnen den Distrikt gifft dat veer Wahlkreise: Orange Walk Zentraal, Orange Walk Oost, Orange Walk Noord un Orange Walk Süüd.

Footnoten[ännern | Bornkood ännern]

  1. a b c d e f g h i Zensus 2010 (PDF) von dat Statistical Institute of Belize

Weblenken[ännern | Bornkood ännern]

Orange Walk. Mehr Biller, Videos oder Audiodateien to’t Thema gifft dat bi Wikimedia Commons.


Koordinaten:17° 50′ N, 88° 50′ W